قازاقستاندا جاسالعان: شىمكەنتتەگى ويىنشىقتار كورمەسىندە وتاندىق ونىمدەر ۇسىنىلدى
شارانىڭ وتۋىنە وبلىستىق مادەنيەت باسقارماسى مەن وبلىستىق ءبىلىم، جاستار ساياساتى جانە تىلدەر دامىتۋ باسقارمالارى قولداۋ كورسەتتى.
ءىس-شاراعا وبلىس اكىمىنىڭ ورىنباسارى ساكەن قانىبەكوۆ، وبلىستىق مادەنيەت باسقارماسىنىڭ باسشىسى كۇليا ايداربەكوۆا قاتىستى، دەپ حابارلايدى و ق و اكىمىنىڭ باسپا ءسوز قىزمەتىنەن.
ويىنشىقتار جارمەڭكەسىن وتكىزۋدەگى باستى ماقسات - وتاندىق ونىمدەردى ناسيحاتتاۋ. بۇل ويىنشىقتاردىڭ ساپاسى شەتەلدە شىعارىلاتىن ونىمدەردەن كەم ەمەس، ءارى بالالار ءۇشىن قاۋىپسىز.
كورمەنى تاماشالاۋعا كەلگەن قوناقتاردى قالاداعى «ونەر» مەكتەپ-ينتەرناتى وقۋشىلارىنان قۇرالعان وركەستر سازدى اۋەنمەن قارسى الدى. تانىمال ءانشى-پروديۋسەر، «بال-بالا» ويىنشىقتارىنىڭ اۆتورى قىدىرالى بولمانوۆ ءىس-شارانىڭ اشىلۋ سالتاناتىنا قاتىسىپ، كورمەنىڭ لەنتاسىن قيدى. مۇندا «بال-بالانىڭ» قۋىرشاقتارىنان بولەك، شىمكەنتتەن شىعارىلاتىن «شىمكەنت-پلاستيك» ويىنشىق زاۋىتىنىڭ بۇيىمدارى دا قويىلدى.
شارا اياسىندا ۇيىمداستىرىلعان جەرگىلىكتى قولونەرشىلەردىڭ كادەسىيلارى مەن بالالارعا ارنالعان ۇلتتىق كيىمدەر جارمەڭكەسىن كوپشىلىك كەڭىنەن تاماشالادى.
