قازاقستانعا كەلىپ، قازاق ءتىلىن ۇيرەنىپ جۇرگەن شەتەل ازاماتتارى كوبەيگەن

 الەۋمەتتىك جەلىدەگى بەينەروليكتەردەن ءبىرى انا ءتىلىمىزدى ەش قاتەسىز سايراسا، ەندى ءبىرى دومبىرادا ويناپ، ءان شىرقاعانىن بايقاۋعا بولادى. ولاردىڭ ءتىلدى قالاي تەز ۇيرەنەدى، قىزىعۋشىلىقتارى قانداي؟

 دومبىراعا قىزىعىپ، باسىندا اۋەسقويلىقپەن ۇيرەنگەن دانيەل بۇگىندە ۇلتتىق اسپاپتىڭ قۇلاعىندا وينايدى. اكەسى نيگەريالىق، ال اناسى ورىس، ءوزى قازاق ازاماتى. اتا- اناسى وزگە ۇلت بولعان سوڭ العاشىندا ورىس تىلىندە سويلەگەن. ءبىراق قازاق تىلىنە دەگەن قۇشتارلىعى بىرتىندەپ ارتا باستاعان. كەيىن دوستارىنا قازاق ءتىلىن ۇيرەتىڭدەر دەپ، قولقا سالىپ تەز ارادا ۇيرەنىپ، مەڭگەرىپ العان. جيىرما ەكى جاستاعى ازامات بۇگىندە ۇيلەنگەن، ءبىر بالانىڭ اكەسى. بولاشاقتا قازاقتىڭ سانىن كوبەيتەمىن دەيدى.

دانيەل دانلادين، ءانشى:

بۇگىندە مەن ۇيلەندىم. جۇبايىم قازاق، شاپىراشتى رۋى، ۇلى جۇزدەن. ءبىز بىرگە جۇرگەندە سۇرايمىن، مىناۋ قانداي نارسە، مىناۋ قالاي بولادى، ول ماعان ۇيرەتەدى ۇستازىم سياقتى. جانە بىزدە كىشكەنتاي بوپە بار.

 ال مارسەلەننىڭ اتا- اناسى وڭتۇستىك افريكالىق. الايدا اكە- شەشەسى الماتىدا تانىسىپ، وسى الماتىدا وتباسىن قۇرىپ كەيىن تۋعان وتاندارىنا كوشىپ كەتكەن. ال جاس جىگىت تۋىسقان اعاسىمەن تۇرادى. مارسەلەننىڭ ارمانى كوپ.

مارسەلەن كاماتە، ستۋدەنت:

 ءۇش ارمانىم بار. قازاقستاننىڭ تۋىن ەڭ بيىك تاۋعا اپاراتىنىم. جانە دە نۇرسۇلتان ءابىش ۇلى نازاربايەۆپەن كەزدەسسەم ەڭ ۇلكەن ارمانىم.

سەكسەن، جەتپىز پايىز قازاقشا بىلەدى، ول از. ەندى ءبىز قۇداي قالاسا وسى ءۇش، ەكى جىلدىڭ ىشىندە ءبىر بولماسا 90, 95 پايىزعا جەتكەنىن ارماندايمىن.

 ەلىمىزگە شەتەل ازاماتتارى ءار ءتۇرلى ماقساتتا كەلەدى ەكەن. سونىڭ ءبىرى وڭتۇستىك كورەيالىق يۋن سىن مي. قازاقستانعا وتباسىمەن كەلگەنىنە 5 اي بولعان. كەلە سالا قازاق ءتىلىن ۇيرەنۋگە كىرىسكەن. ءوزىنىڭ ەسىمىن قازاقشا اتپەن اينۇر قىلىپ وزگەرتكەن. ءتىپتى ءۇش بالاسىن قازاق بالا باقشاسى مەن قازاق مەكتەبىنە بەرگەن. بولاشاقتا قازاق ءتىلىن جەتىك مەڭگەرىپ، قازاقستاندا قالىپ، ۇلكەن بيزنەس اشقىسى كەلەدى.

يۋن سىن مي، قازاق ءتىلىن ۇيرەنۋشى:

مەن جاقسى جۇمىس ىستەۋ ءۇشىن، وتباسىم ءۇشىن قازاقشا وقيمىن.

گۇلجاينا ومىربەك، ءتىلشى:

 جوعارى وقۋ ورنىنا دەيىنگى ءبىلىم بەرۋ فاكۋلتەتىندە جىلىنا 500 گە جۋىق شەتەل ازاماتى ءبىلىم الادى ەكەن. اركىمنىڭ ماقساتى ءار ءتۇرلى. ءبىرى ءتىلدى جارتىلاي مەڭگەرىپ ەلدەرىنە قايتسا، ەندى ءبىرى ءبىلىمىن جالعاستىرىپ نە بيزنەس اشىپ ەلدە قالىپ، ۇيلەنىپ جاتقاندار.

گۇلجاينا ومىربەك، دانيار ءجۇسىپوۆ.

31.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى