اتىراۋ وبلىستىق ءماسليحاتىنىڭ دەپۋتاتتارى ب. ىزمۇحامبەتوۆتىڭ كانديداتۋراسىنا ءبىراۋىزدان داۋىس بەردى
«وتكەن سايلاۋداعى حالىقتىڭ اعىلىپ داۋىس بەرىپ، نۇرسۇلتان نازاربايەۆتى ءبىر اۋىزدان قولداۋى قازاقستاندىقتاردىڭ ءبىر سەنىمدە ەكەندىكتەرىن، ەلدە بولىپ جاتقان رەفورمالاردى بىرلەسىپ العا جىلجىتۋ نيەتتەرىن پاش ەتكەندەي. قازىر ءوڭىر باسشىسى رەتىندە باقىتقوجا ىزمۇحامبەتوۆتى قايتا تاعايىنداۋ ۇسىنىسىمەن كەلىسۋىمىز قاجەت دەپ سانايمىن. ءبىز ءبىر كوماندا رەتىندە پرەزيدەنت العا قويعان بارلىق مىندەتتەردى ىسكە اسىراتىنىمىزعا سەنىمدىمىن»، - دەپ مالىمدەدى ءماسليحات دەپۋتاتى الەكساندر دۋملەر.
بارلىق 27 دەپۋتات ءبىراۋىزدان مەملەكەت باسشىسىنىڭ ب. ىزمۇحامبەتوۆتى اتىراۋ وبلىسىنىڭ اكىمى ەتىپ تاعايىنداۋ ۇسىنىسىن قولدادى.
ىزمۇحامبەتوۆ دەپۋتاتتارعا سەنىم بىلدىرگەنى ءۇشىن العىس ايتىپ، وبلىستا ونەركاسىپتىك بويىنشا دا، اۋىل شارۋاشىلىعى بويىنشا دا جاڭا جوبالار ىسكە اسىرىلىپ جاتقانىنا توقتالدى. وڭدەۋشى سەكتورعا باسا ءمان بەرىلمەك، بۇل بىرنەشە جىلدا وبلىستىڭ تولىق ازىق-تۇلىكتىك تاۋەلسىزدىككە قول جەتكىزۋىنە مۇمكىندىك بەرەدى.
باقىتقوجا ىزمۇحامبەتوۆ 1948-جىلى 1- قىركۇيەكتە دۇنيەگە كەلدى.
ۋ ف ا مۇناي ينستيتۋتىن بىتىرگەن. 1973-1983-جىلدارى - «قازمۇناي گاز بارلاۋ» باسقارماسىنىڭ اعا ينجەنەرى، تەحنيكالىق مولشەرلەۋ جانە ەڭبەكتى عىلىمي ۇيىمداستىرۋ وتريادىنىڭ باستىعى، زەرتحانا مەڭگەرۋشىسى، ءبولىم مەڭگەرۋشىسى، قازاق گەولوگيالىق بارلاۋ عىلىمي-زەرتتەۋ ينستيتۋتى ديرەكتورىنىڭ ورىنباسارى.
1983-1987-جىلدارى - كەڭەس وداعىنىڭ يەمەندەگى مۇناي بارلاۋ ەكسپەديتسياسىنىڭ اعا ينجەنەرى. 1987-1991-جىلدارى - قازاق گەولوگيالىق بارلاۋ عىلىمي- زەرتتەۋ ينستيتۋتىنىڭ زەرتحانا مەڭگەرۋشىسى، اتىراۋ تاجىريبەلىك-ادىستەمەلىك ەكسپەديتسياسىنىڭ باس تەحنولوگى، باستىعى. 1991-1993-جىلدارى - قازاقستان رەسپۋبليكاسى گەولوگيا جانە جەر قويناۋىن قورعاۋ مينيسترلىگى تەرەڭ ۇڭعىمالاردى يگەرۋ جانە بۇرعىلاۋ تەحنولوگيالارى ءبولىمىنىڭ باستىعى، مۇناي جانە گاز باسقارماسىنىڭ باستىعى.
1993-2003-جىلدارى - «قازاق تۇرىك مۇناي» جاۋاپكەرشىلىگى شەكتەۋلى سەرىكتەستىگى بىرىككەن كاسىپورىنىنىڭ باس ديرەكتورى، «قازمۇناي گاز» ۇلتتىق كومپانياسى» جابىق اكتسيونەرلىك قوعامىنىڭ تەڭىز جوبالارى جونىندەگى اتقارۋشى ديرەكتورى، «قازمۇناي تەڭىز» تەڭىز مۇناي كومپانياسى» جابىق اكتسيونەرلىك قوعامىنىڭ باس ديرەكتورى، «قازمۇناي گاز» ۇلتتىق كومپانياسى» جابىق اكتسيونەرلىك قوعامىنىڭ بىرىككەن كاسىپورىن ۇلەستەرىن باسقارۋ جونىندەگى باسقارۋشى ديرەكتورى. 2003-2007-جىلدارى قازاقستان رەسپۋبليكاسى ەنەرگەتيكا جانە مينەرالدى رەسۋرستار ءبىرىنشى ۆيتسە-ءمينيسترى، ءمينيسترى قىزمەتتەرىن اتقارعان. 2007-جىلعى تامىزدان 2012-جىلعى قاڭتارعا دەيىن باتىس قازاقستان وبلىسىنىڭ اكىمى. 2012-جىلعى قاڭتاردان تامىز ايىنا دەيىن ق ر پارلامەنتى ءماجىلىسى ءتوراعاسىنىڭ ورىنباسارى. قازىرگى قىزمەتىندە 2012-جىلعى تامىزدان بەرى.
تەحنيكا عىلىمدارىنىڭ دوكتورى، قازاقستان رەسپۋبليكاسى مينەرالدىق رەسۋرستار اكادەمياسىنىڭ، حالىقارالىق مينەرالدىق رەسۋرستار اكادەمياسىنىڭ كوررەسپوندەنت-مۇشەسى، قازاقستان رەسپۋبليكاسى ينجەنەرلىك اكادەمياسىنىڭ اكادەميگى.
«قۇرمەت» وردەنىمەن ماراپاتتالعان.
