پەتروپاۆلدا رەسەي جانە قازاقستان پرەزيدەنتتەرىنىڭ قاتىسۋىمەن وتەتىن ايماقارالىق ىنتىماقتاستىق فورۋمىنا دايىندىق ءجۇرىپ جاتىر
بۇل تۋرالى وبلىستىق ءماسليحاتتىڭ 34- سەسسياسىندا ءسوز سويلەگەن ايماق باسشىسى ەرىك سۇلتانوۆ ايتتى.
«مەملەكەت باسشىسىنىڭ كەلىسۋىمەن 2016-جىلى پەتروپاۆلدا وتەتىن ХІІІ ايماقارالىق ىنتىماقتاستىق فورۋمىن وتكىزۋ بويىنشا دايىندىق جۇمىستارى باستالدى. وبلىس ورتالىعىنىڭ 21 كوشەسىن جوندەۋ، جاڭا جايلى قوناقۇيلەردى سالۋ، قازىرگى كەزدە جۇمىس ىستەپ جاتقان قوناقۇيلەردى جاڭعىرتۋ جۇمىستارى بەلگىلەندى»، - دەدى ە. سۇلتانوۆ.
قالانىڭ ورتالىعىندا كەيىننەن الەۋمەتتىك-مادەني ماقساتتا پايدالانىلاتىن دوستىق ءۇيىنىڭ عيماراتى سالىنباق.
«فورۋمدى پەتروپاۆل قالاسىندا وتكىزۋ وبلىس ەكونوميكاسىنىڭ دامۋىنا ايتارلىقتاي يمپۋلس بەرىپ، ءوز كەزەگىندە، ايماقتاعى ىسكەرلىك جانە ينۆەستيتسيالىق بەلسەندىلىكتى كوتەرەدى»، - دەدى وبلىس اكىمى.
