باتىس قازاقستان وبلىستىق دەپۋتاتتارى نۇرلان نوعايەۆتىڭ كانديداتۋراسىن قولدادى

 وبلىستىق ءماسليحات حاتشىسى مالىك قۇلشار ەلباسىنىڭ باتىس قازاقستان وبلىسى اكىمى قىزمەتىنە نۇرلان نوعايەۆتى تاعايىنداۋ تۋرالى ۇسىنىسىن وقىپ بەردى. بۇدان كەيىن سەسسياعا قاتىسقان 24 دەپۋتات ءبىراۋىزدان ن. نوعايەۆتىڭ كانديداتۋراسىن قولدادى.

ايتا كەتەيىك، نۇرلان نوعايەۆ وبلىس اكىمى قىزمەتىن 2013-جىلعى 20- قاڭتاردان بەرى اتقارىپ كەلەدى.

ن. ا. نوعايەۆ 1967-جىلى دۇنيەگە كەلگەن. ي. گۋبكين اتىنداعى ماسكەۋ مەملەكەتتىك مۇناي جانە گاز اكادەمياسىن، قازاق مەملەكەتتىك باسقارۋ اكادەمياسىن، رەسەي س ءى م «حالىقارالىق قاتىناستار ۋنيۆەرسيتەتى» ماسكەۋ مەملەكەتتىك ينستيتۋتىن بىتىرگەن، ماماندىعى بويىنشا تاۋ-كەن ينجەنەرى، حالىقارالىق سالاداعى ەكونوميست، اكىمشىلىك ءىس جۇرگىزۋ شەبەرى، ورىس، تۇرىك، اعىلشىن تىلدەرىن مەڭگەرگەن.

ەڭبەك جولىن اقتوبە وبلىسى وكتيابر قالاسى قاندىاعاش ستانساسىندا ەلەكتر مونتەرى بولىپ باستادى.

1993-1995-جىلدارى - «گيلي - پاسكەر» ج ش س مۇناي ونىمدەرى جونىندەگى باس ساراپشىسى، ءبولىم باستىعى، باس ديرەكتورى، ماسكەۋ قالاسى.

1995-1996-جىلدارى - «وتىرار ل ت د» شاعىن كاسىپورنى باس ديرەكتورىنىڭ ورىنباسارى، الماتى قالاسى.

1996-2006-جىلدارى - «قازاق تۇرك مۇناي» ج ش س ماركەتينگ جونىندەگى ينجەنەرى، ماركەتينگ، مۇناي جانە مۇناي ونىمدەرىن ساتۋ ءبولىمىنىڭ باستىعى، باس ديرەكتورى، «قازمۇناي گاز» ۇ ك» ا ق اتقارۋشى ديرەكتورى.

2006-جىلدىڭ تامىزىنان - ق ر ەنەرگەتيكا جانە مينەرالدىق رەسۋرستار مينيسترلىگى مۇناي ونەركاسىبى دەپارتامەنتىنىڭ ديرەكتورى.

2007-جىلدىڭ قىركۇيەگىنەن - باتىس قازاقستان وبلىسى اكىمىنىڭ ورىنباسارى.

2010-جىلدىڭ ساۋىرىنەن 2013-جىلدىڭ قاڭتارىنا دەيىن - ب ق و اكىمىنىڭ ءبىرىنشى ورىنباسارى.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى