قاراعاندى وبلىسى اكىمىنىڭ قىزمەتىنە ن. ابدىبەكوۆ ۇسىنىلدى

«ق ر كونستيتۋتسياسىنىڭ 87-بابىنىڭ 4-تارماعىنا سايكەس قاراعاندى وبلىسىنىڭ اكىمى قىزمەتىنە ابدىبەكوۆ نۇرمۇحامبەت قاناپيا ۇلىنىڭ كانديداتۋراسىن ۇسىنامىن»، - دەپ وقىپ شىقتى ق ر پرەزيدەنتىنىڭ ۇسىنىسىن قاراعاندى وبلىستىق ءماسليحاتىنىڭ حاتشىسى نۇرلان دۋلاتبەكوۆ.

دەپۋتاتتار قازىرگى وبلىس اكىمىنىڭ كانديداتۋراسىن ءبىراۋىزدان قولدادى.

ن. ابدىبەكوۆ مەملەكەت باسشىسى مەن دەپۋتاتتارعا وزىنە بىلدىرىلگەن سەنىم ءۇشىن العىسىن ءبىلدىرىپ، ايماقتىڭ ودان ءارى دامۋىنا بار كۇشىن سالاتىنىنا سەندىردى.

نۇرمۇحامبەت ابدىبەكوۆ 1961-جىلى قوستاناي وبلىسىنىڭ ارقالىق قالاسىندا تۋعان. ماسكەۋ تاۋ ينستيتۋتىن بىتىرگەن. تەحنيكالىق عىلىمدار كانديداتى.

ينستيتۋتتى بىتىرگەننەن كەيىن ءوز ەڭبەك ءىسىن شيلىساي فوسفوريت كەنىندە اۋىسىم شەبەرى بولىپ باستاعان.

1989-جىلدان 2009-جىل ارالىعىندا اقتوبە جانە اتىراۋ، استانا قالالارىنداعى مەكەمەلەرىندە جانە مەملەكەتتىك ورگانداردا ءار ءتۇرلى لاۋازىمداردا بولعان.

2009-جىلى جەلتوقساننان 2011-جىلى شىلدە ارالىعىندا ءوندىرىس كوميتەتى وكىلى، قازاقستان رەسپۋبليكاسىنىڭ يندۋستريا جانە جاڭا تەحنولوگيالار مينيسترلىگىنىڭ ۆيتسە-ءمينيسترى. 2011-جىلى شىلدەدەن باستاپ - اقتوبە قالاسىنىڭ اكىمى.

2012-جىلى اقپانىنان باستاپ - اقتوبە وبلىسى اكىمىنىڭ ءبىرىنشى ورىنباسارى. 2014-جىلى 20- ماۋسىمىنان باستاپ - قاراعاندى وبلىسىنىڭ اكىمى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى