رەسەيلىك حاكەرلەر باراك وبامانىڭ حاتتارىن وقىپ ۇلگەرگەن
امەريكالىق جوعارعى لاۋازىم يەلەرى مالىمدەگەندەي، حاكەرلەر اق ءۇي قىزمەتكەرلەرىنىڭ ەلەكتروندى پوشتا مۇراعاتىنا قول سالىپ، ونىڭ ىشىندە پرەزيدەنتتىڭ جەكە جازبالارىن وقۋعا مۇمكىندىك العان.
ولاردىڭ اراسىندا مەملەكەت باسشىسى جونەلتىپ، قابىلداعان حاتتار دا بار بولىپ شىقتى. الايدا IT قاراقشىلارىنىڭ تەك باراك وبامانىڭ موبيلدى تەلەفونىنان جونەلتكەن حاتتارىن باسقارىپ وتىراتىن سەرۆەردى بۇزۋعا جولى بولماعان.
اق ءۇيدىڭ حابارلاۋىنشا، رەسەيلىك حاكەرلەر ويىنداعىسىن ا ق ش پەن رەسەي اراسىنداعى قىرىم ماسەلەسىنە بايلانىستى تۋىنداعان قيىن كەزەڭدە ىسكە اسىرعان. ال جالپى امەريكالىق بيلىكتىڭ قارا تىزىمىندە رەسەي حاكەرلەرى ەڭ قاۋىپتى العاشقىلاردىڭ ءبىرى سانالادى.
اۆتورى: جىگەر سارسەن
www.24.kz
