بەلگىسىز بىرەۋلەر ا ق ش- تا مۇحاممەد پايعامبارعا ارنالعان كاريكاتۋرالار كورمەسىنە وق جاۋدىردى
وقيعا 4- مامىردا شامامەن ساعات 19:00 دە، ءىس-شارا اياقتالىپ جاتقان كەزدە بولدى. ەكى كۇدىكتى ورتالىقتىڭ اۆتوتۇراعىنا وق اتىپ، كۇزەت قىزمەتكەرىن جاراقاتتادى. كورمە قاتىسۋشىلارى ەۆاكۋاتسيالاندى، وقيعانىڭ ءمان-جايى انىقتالىپ جاتىر. وقيعا ورنىنا ءتارتىپ ساقشىلار كەلىپ، بۇل ءىستى تەرگەپ جاتىر.
وسىعان ۇقساس وقيعا اقپان ايىنىڭ ورتاسىندا كوپەنگاگەندە بولعان ەدى. بەلگىسىز بىرەۋلەر مۇحاممەد پايعامدارعا كاريكاتۋرا سالۋمەن اينالىساتىن شۆەد سۋرەتشىسى لارس ۆيلكسپەن كەزدەسۋ ءوتىپ جاتقان جەردە وق اتتى. سول كەزدە ەكى پوليتسەي زارداپ شەكتى.
ال وسى وقيعادان ءبىر اپتا بۇرىن Charlie Hebdo دەپ اتالاتىن فرانسۋز جۋرنالىنىڭ رەداكسياسىنا لاڭكەستەر وق جاۋدىرىپ، 12 ادامدى ولتىرگەن ەدى. ولار پايعامباردىڭ كاريكاتۋراسىن سالۋعا قارسى بولعان.
