گولوۆكين الەمنىڭ ۇزدىك بوكسشىلارىنىڭ ۇشتىگىنە كىردى
Boxrec.com نۇسقاسى بويىنشا P4P تاۋەلسىز رەيتينگى امەريكاندىق فلويد مەيۆەزەر مەن فيليپپيندىك مەنني پاكياو اراسىنداعى ۇرىستان كەيىن جاڭارتىلدى. 12 راۋندتىڭ قورىتىندىسىمەن تورەشىلەردىڭ ءبىراۋىزدان داۋىس بەرۋىمەن جەڭىس مەيۆەزەرگە بەرىلدى، ول (WBA (Super جانە WBC نۇسقاسى بويىنشا اتاعىن ساقتاپ قالدى جانە پاكياونىڭ WBO بەلبەۋىن يەلەندى.
ءسويتىپ، مەيۆەزەر 48- جەڭىسىنە قول جەتكىزىپ. P4P رەيتىينگىسىندەگى كوشباسشىلىعىن بەكىتتى (2059 ۇپاي). پاكياو مانسابىنداعى التىنشى جەڭىلىسكە ۇشىراپ، ءۇشىنشى ورىننان سەگىزىنشى تارماققا تومەن ءتۇستى.
فيليپپيندىك بوكسشىنىڭ قۇلدىراۋى گولوۆكيندى ءۇشىنشى ورىنعا كوتەردى. قازاقستاندىق تىزىمدەگى ەكىنشى ورىندى يەلەنىپ وتىرعان ۆلاديمير كليچكوعا جول بەردى.
بۇدان بۇرىن پاكياونى جاتتىقتىرىپ جۇرگەن فرەددي روۋسچ قازىرگى كەزدە گولوۆكين سالماق ساناتىنا قاراماستان الەمنىڭ ۇزدىك بوكسشىسى بولىپ قالىپ وتىر، دەگەن بولاتىن. ونىڭ ايتۋىنشا، قازاقستاندىق بوكسشى اندرە ۋوردپەن بىرگە فلويد مەيۆەزەردەن جوعارى تۇرۋى ءتيىس.
