تۇركيادا ن. نازاربايەۆتىڭ سايلاۋداعى جەڭىسىنىڭ قۇرمەتىنە اۋە شارلارى ۇشىرىلدى - فوتو
اەروستاتتىڭ اۋەگە شىعارىلۋى ەلباسىنىڭ جەڭىسىنىڭ قۇرمەتىنە جانە 1- مامىر قازاقستان حالقىنىڭ بىرلىگى كۇنىن اتاپ ءوتۋ اياسىندا جۇزەگە اسىرىلدى. وقيعانى باسپا ءسوز وكىلدەرى، سونىمەن قاتار جەرگىلىكتى جانە شەتەل تۋريستەرى تاماشالادى، دەپ حابارلايدى قازاقستاننىڭ تۇركياداعى ەلشىلىگىنىڭ باسپا ءسوز قىزمەتىنەن.
اەروستاتتىڭ تۇركيالىق ۇشقىشى حاككى يىلدىز باۋىرلاس ەلگە قۇرمەتىن بىلدىرە وتىرىپ، قازاق حالقىن قازاقستان پرەزيدەنتى ن. ءا. نازاربايەۆتىڭ سايلاۋداعى جەڭىسىمەن قازاق تىلىندە قۇتتىقتادى جانە باۋىرلاس حالقىنا ودان ءارى گۇلدەنۋدى، تۇراقتىلىق پەن بەيبىتشىلىكتى تىلەدى.
اۋەگە شىعارىلعان ق ر پرەزيدەنتىنىڭ بەينەسى مەن قازاقستاندىق جانە تۇركيالىق تۋلارى بار اۋە شارى كاپپادوكيا تاۋلارىنىڭ اينالاسىندا ەستەن كەتپەس كورىنىستەر تۋدىردى.
كاپپاداوكيا ءوزىنىڭ سيرەك گەولوگياسىمەن جانە ەجەلگى موناستىرلارمەن بەلگىلى، ال ونىڭ «گورەمە» ۇلتتىق پاركى UNESCO- نىڭ دۇنيەجۇزىلىك مۇراسى تىزىمىنە ەنگەن. اۋە شارلارى تۋريستەر اراسىندا كاپپادوكيانىڭ تاريحي الاڭىن كورۋگە باعىتتالعان ەڭ تانىمال ءادىس بولىپ تابىلادى.
قالادا «ق ر پرەزيدەنتى ن. ءا. نازاربايەۆتىڭ» اتىنداعى داڭعىل، «قازاقستان» اتىنداعى بۋلۆار، «قازاقستان مەن تۇركيانىڭ دوستىعى» ساياباعى، سونىمەن قاتار «نيەۆشەحير» ۋنيۆەرسيتەتىندە «قازاقستان» اتىنداعى اۋديتوريا اشىلعان.
