فلويد مەيۆەزەر مەنني پاكياونى اۋپىرىمدەپ جۇرىپ جەڭدى

سايىس قورىتىندىسى بويىنشا رەسمي تۇردە فلويد مەيۆەزەر جەڭىسكە جەتتى، دەپ جاريالاندى.

جەكپە-جەك قاتىسۋشىلارى بۇكىل الەمدىك بوكس قاۋىمداستىعى (WBA)، بۇكىل الەمدىك بوكس كەڭەسى (WBC) جانە بۇكىل الەمدىك بوكس ۇيىمى (WBO) نۇسقالارى بويىنشا 66,68 كەلىگە دەيىنگى سالماق دارەجەسىندە الەم چەمپيونىنىڭ ءۇش اتاعىن يەلەنۋ ءۇشىن باق تالاستىردى.

12 راۋندتىق جەكپە-جەكتى كوپتەگەن ساراپشىلار «عاسىر سايىسى» دەپ اتادى. ەكى ۇمىتكەر بارلىق ساناتتارداعى الەمنىڭ ۇزدىك بوكسشىسى اتاعىن يەلەنۋ ءۇشىن رينگكە شىقتى.

جۇدىرىقتاسۋ كەزىندە مەنني پاكياو بارىنشا بەلسەندىلىك تانىتقانىمەن، قارسىلاسىنان باسىم تۇسە المادى. فلويدتىڭ دالمە-ءدال سوققىلارى وعان بىرىنەن سوڭ ءبىرى ءتيىپ جاتتى. پاكياو ءادىس-تاسىلدەردى ءتيىمدى قولدانا المادى.

مەيۋەزەر - ۆ ب ا جانە ۆ ب س نۇسقاسى بويىنشا بەس سالماق ساناتىندا چەمپيوندىق بەلبەۋلەردىڭ يەگەرى. ول 47 رەت جەڭىسكە جەتىپ، (28 نوكاۋت) بىردە-ءبىر رەت جەڭىلمەگەن.

فيليپپيندىك 66,68 كەلىگە دەيىنگى سالماق ساناتىندا ۆ ب و نۇسقاسىندا الەم چەمپيونى. ول 57 جەڭىسكە (38 نوكاۋت) جەتىپ، 5 رەت جەڭىلىسكە ۇشىراعان جانە 2 رەت تەڭ ويناعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى