قازاق ەلىنىڭ «استانا ارلاندارى» ەندى جارتىلاي فينالدىق دوداعا دايىندالۋدا

بۇكىل الەمدىك بوكس سەرياسى جوباسىنىڭ بەسىنشى ماۋسىمىندا «ا» توبىندا كۋبا بوكسشىلارى 42 ۇپاي جيناپ، كەزەڭدىك باسەكەلەردە ەشبىر ەلدىڭ كومانداسىنا ەسە جىبەرگەن جوق.

كوش باسىنداعى وسى اتالعان ەكى كوماندا بىردەن جارتىلاي فينالعا شىعىپ وتىر.

ەندى ەكى توپتاعى ەكىنشى جانە ءۇشىنشى ورىندى يەلەنگەن كوماندالار جارتىلاي فينالعا شىعۋ ءۇشىن ءوزارا كەزدەسۋ وتكىزبەكشى. اتاپ ايتقاندا، بۇكىل الەمدىك بوكس سەرياسى سايتىنىڭ مالىمەتىنە سۇيەنسەك، 6-7- مامىر كۇندەرى ءازىربايجاننىڭ 32 ۇپايعا يە بولعان «باكۋ وتتارى» مەن «مەكسيكو گۋەررەروس» (28 ۇپايى بار) كوماندالارى ءوزارا كەزدەسىپ، جەڭگەنى كۋبا قابىلاندارىنىڭ قارسىلاستارى اتانادى.

سونداي-اق 10 جانە 11- مامىر كۇندەرى «ا» توبىندا 32 ۇپاي جيناعان رەسەيدىڭ «راشن بوكسين تيم» كومانداسى «ب» توبىندا 27 ۇپايدى ەنشىلەگەن «يتاليا تاندەر» بوكسشىلارىمەن كەزدەسەدى. وسى ەكى كوماندانىڭ جەڭگەنى «استانا ارلاندارىنىڭ» جارتىلاي فينالداعى قارسىلاسى بولماق.

جارتىلاي فينالدىق كەزدەسۋدى 23-24- مامىر كۇندەرى استاناداعى «داۋلەت» سپورت كەشەنىندە وتكىزۋ جوسپارلانۋدا.

اۆتور: ايدىن بايمەن

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى