سولتۇستىك قازاقستان وبلىسىندا بايگە ماۋسىمى اشىلدى - فوتو
ات جارىستارىنا سولتۇستىك قازاقستان وبلىسىنان، استانادان جانە رەسەيدىڭ ماگنيتورگورسك قالاسىنان 50 شاباندوز قاتىستى.
اتشاباردا جينالعان جۇرتشىلىقتى بايگە ماۋسىمىنىڭ اشىلۋىمەن س ق و اكىمىنىڭ ورىنباسارى ايداربەك ساپاروۆ قۇتتىقتادى.
«قۇرمەتتى سولتۇستىك قازاقستاندىقتار، سپورت مەرەكەسىنە قاتىسۋشىلار! مەملەكەت باسشىسى ن. ءا. نازاربايەۆ حالىق ءارقاشان دا سپورتتىق جەتىستىكتەر ماڭىنا توپتاساتىنىن اتاپ وتەدى. سوندىقتان دا حالىقتىڭ رۋحاني جانە دەنە دەنساۋلىعى قازاقستاننىڭ ءبىرىنشى كەزەكتەگى مىندەتتەرىنىڭ ءبىرى بۇگىندە مەملەكەت تاراپىنان ۇلتتىق سپورت تۇرلەرىن دامىتۋعا ەرەكشە كوڭىل ءبولىنىپ وتىر. سولاردىڭ اراسىندا ات سپورتى تۇرلەرى ماڭىزدى ورىن الادى»، - دەدى ا. ساپاروۆ.
ات جارىستارى باعدارلاماسىندا جەلگىشتەر جارىسى، قۇنان بايگە، توپ بايگە، جورعا جارىس، الامان بايگە جانە ورلوۆ جەلگىشتەرىنىڭ سايىسى بولدى.
«بۇل جارىستار جەڭىستىڭ 70 جىلدىعىنا ارنالادى. بارلىق سايىستار كوممەرتسيالىق بولىپ سانالادى»، - دەدى جارىستاردىڭ باس تورەشىسى مۇرات قالىقوۆ.
الدىمەن 1600 مەترلىك قاشىقتىققا جورعا جارىسى باستالدى. ونىڭ قورىتىندىسىندا س ق و- نىڭ ع. مۇسىرەپوۆ اۋدانىنان كەلگەن شاباندوز لينارا ۋسمانوۆا جەڭىمپاز اتاندى.
