گەرمانيا حالقى ەتتەن باس تارتۋدا

 تاعامدانۋ ورنىنىڭ باسشىلىعى مۇنداي شەشىمگە ۆەگەتاريان قاۋىمىنىڭ قاتارى كۇن ساناپ ارتىپ جاتقانى تۇرتكى بولدى دەپ ءتۇسىندىردى.

 دەمەك، بۇل - 1500 ءتۇرلى ءداستۇرلى نەمىس شۇجىقتارىنىڭ قاتارى سويادان جاسالعان ونىممەن تولىعادى دەگەن ءسوز. ارادا 60 جىل ۋاقىت وتسە دە، مەيرامحاناداعى قاراپايىم تۇسكى اس ءمازىرى ءداستۇرلى نەمىس تاعامى شۇجىقتان ۇزىلگەن ەمەس. سودان بەرى ەتتەن جاسالعان دەليكاتەستەردىڭ 1500-گە جۋىق ءتۇرى ويلاپ تابىلعان. ولاردىڭ دەنى شوشقا مەن سيىر ەتىنەن بۇقتىرىلعان.

سوڭعى 7 جىلدا گەرمانيادا جانۋار ەتىنەن دايىندالعان تاعامداردان باس تارتقان ادامداردىڭ سانى 2 ەسەگە ۇلعايعان. ولار جالپى حالىقتىڭ %4- ىن قۇرايدى. ەسەسىنە ەتتىڭ ورنىن باساتىن ونىمدەرگە دەگەن سۇرانىس كۇرت ارتىپ وتىر. ساراپشىلاردىڭ ايتۋىنشا، قازىر جاستار ۆەگەتارياندىقتى ەتكە تىيىم جاساۋ ەمەس، دۇرىس تاعامدانۋ مادەنيەتى دەپ تۇسىنەتىن بولعان.

كريستين كەمنيتس، اۋىلشارۋاشىلىعى جونىندەگى ساراپشى:

- ادامدار ساقتاۋ مەرزىمى ءوتىپ كەتكەن ەتتەرگە بايلانىستى تۋىندايتىن داۋلاردان سەسكەنەتىن بولدى. كەيبىرەۋلەرى جانۋارلارعا قاتىستى جۇرگىزىلەتىن قاتىگەز ءىس- شارالاردان جۇرەكسىنىپ قالعان. وعان قوسا، مىنا ەت ماعان قالاي جەتتى، مالدى قالاي باقتى دەگەن ساۋالدار ادامداردى ءجيى مازالايتىن بولسا كەرەك.

ورتاشا ەسەپپەن العاندا نەمىس جەرىندەگى ءاربىر تۇرعىن جىلىنا 60 كەلىدەن استام ەتتى تۇتىنادى. ساراپشىلاردىڭ مالىمدەۋىنشە، بۇل كورسەتكىش ۋاقىت وتكەن سايىن تومەندەپ بارادى. دەمەك، بۇل تاياۋ بولاشاقتا ەلدەگى ءبىرقاتار ءداستۇرلى مەيرامحانا ۆەگەتارياندىق ريەۆوليۋتسياعا مويىنسىنىپ، اس ءمازىرىن قايتا قاراۋعا ءماجبۇر بولادى دەگەن ءسوز.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى