بۇگىن استانالىقتار ءۇشىن بۇقارالىق سەرۋەندەر ۇيىمداستىرىلادى

قازاقستان حالقىنىڭ بىرلىگى كۇنى اياسىندا ەلوردادا «بايتەرەك» مونۋمەنتى، «ستۋدەنتتىك» ، «عاشىقتار» ساياباقتارىندا، قالالىق اكىمدىك الدىنداعى الاڭدا، ەسىل وزەنىنىڭ جاعالاۋىندا جانە «جاستار» سارايىنىڭ الدىندا حالىقتىق سەرۋەندەر ۇيىمداستىرىلادى. ايماقتىق ەتنومادەني بىرلەستىكتەر دە وزدەرىنىڭ شىعارماشىلىق ونەرلەرىن ورتاعا سالادى.

قازاقستان حالقىنىڭ بىرلىگى كۇنىنە ارنالعان باستى مەرەكەلىك شارالار قاتارىنان ءۇش الاڭدا (قالالىق اكىمدىكتىڭ الدىنداعى الاڭدا، عاشىقتار ساياباعىندا جانە «بايتەرەك» مونۋمەنتىنىڭ جانىندا) LED- مونيتورلار ارقىلى كورسەتىلەدى.

سونىمەن قاتار، 1 - مامىر كۇنى قالا تۇرعىندارى ءۇشىن ق. قۋانىشبايەۆ اتىنداعى قازاق مۋزىكالىق دراما تەاترىندا ساعات 18:30 جانە م. گوركي اتىنداعى ورىس دراما تەاترىندا ساعات 18:00 «جۇبايلار جۇمباعى» مەن «حانۋما» اتتى ساحنالىق قويىلىمدار كورسەتىلەدى.

ءساۋىردىڭ 30 نان باستاپ مامىردىڭ 4 نە دەيىن ساعات 10:00-18:00 ارالىعىندا س. سەيفۋللين اتىنداعى مۇراجايدا «بەرەكە باسى - دوستىق» اتتى كورمە مەن 2015 -جىلدىڭ 15 - مامىرىندا كونگرەسس- حوللدا استانا قالاسى اكىمدىگىنىڭ فيلارمونياسى ساعات 19:00 «شالقىما» ءبي ءانسامبلىنىڭ «دوستىق پوەزياسى» اتتى كونتسەرتىن ۇيىمداستىرادى.

1 - مامىر كۇنى كونتسەرتتىك باعدارلاما ساعات 11:00-23:00 ارالىعىندا وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى