ورالدا جاڭا جۇردەك كاتەر سۋعا ءتۇسىرىلدى - فوتو
سالتاناتتى راسىمگە قاتىسقان وبلىس اكىمىنىڭ ءبىرىنشى ورىنباسارى ارمان وتەعۇلوۆ ەلباسى نۇرسۇلتان نازاربايەۆتىڭ «نۇرلى جول» باعدارلاماسىنا سايكەس ەلىمىزدە كوپتەگەن جۇمىستار قولعا الىنعانىن، سونىڭ ءبىرى جاڭا تۇرپاتتاعى كەمە جاساۋ ەكەندىگىن اتاپ ءوتتى.
اتالمىش زاۋىتتىڭ باس ديرەكتورى ۆياچەسلاۆ ۆاليەۆتىڭ ايتۋىنشا، كاتەر مەملەكەتتىك قورعانىس تاپسىرىسىنا سايكەس قۇراستىرىلعان. ونىڭ سۋ ىعىستىرىلىمى 27 توننانى قۇرايدى. جاڭا كاتەر جىلدام جۇرۋمەن بىرگە تەز بۇرىلىپ، وزەنگە دە كىرە الادى. بۇل ق ر ۇ ق ك شەكارا قىزمەتىنە كاسپي تەڭىزىندە شەكارا بۇزۋشىلارمەن كۇرەستى ءتيىمدى جۇرگىزۋگە مۇمكىندىك بەرەدى.
ايتا كەتەيىك، «زەنيت» زاۋىتىندا ەلىمىز تاۋەلسىزدىك العاننان بەرى جيىرمادان استام كەمە- كاتەر قۇراستىرىلدى. بولاشاقتا مۇندا سۋ ىعىستىرىلىمى 600 تونناعا دەيىنگى كەمەلەردى جاساۋ كوزدەلۋدە.
