عالىمدار جارقاناتقا ۇقسايتىن دينوزاۆردى تاپتى

Ru Nature باسىلىمىنا سىلتەمە جاساپ. باۋىرمەن جورعالاۋشى قۇستارعا ۇقسايتىن Scansoriopterygidae تۇقىمداسىنا جاتادى.

 ەرەكشە دينوزاۆردىڭ قاڭقاسى قىتايدىڭ حەبەي اۋدانىنىڭ اۋماعىنان تابىلدى. «جارقانات» شامامەن 160 ميلليون جىل بۇرىن ءومىر سۇرگەن.

ول وتە كىشكەنتاي بولعان، ونىڭ سالماعى 360-380 گرام شاماسىندا. عالىمدار ونى «ي-شي» دەپ اتادى. بۇل اتاۋ قىتاي تىلىنەن اۋدارعاندا «وعاش قانات» دەگەندى بىلدىرەدى. دينوزاۆردا ونىڭ تۇقىمداستارىندا بولماعان ۇزىن بىلەك بولعان. ونىڭ قاناتتارىنىڭ قۇرىلىسى ءۇشىنشى ۇزىن ساۋساعىنىڭ نەگىزىندە جاتىر.

ەسكە سالا كەتەيىك، وسىعان دەيىن ەڭ ۇلكەن دينوزاۆردىڭ سۇيەگى تابىلعانى حابارلانعان بولاتىن. جامباس سۇيەكتەرىنە قاراعاندا، ونىڭ ۇزىندىعى 40 مەتر، بويى 20 مەتردەي بولعان. ال سالماعى 77 توننا، بۇل افريكالىق ءتورت ءپىلدىڭ سالماعىنا تەڭ. «سۇيەكتەردىڭ سالماعىن انىقتاعان سوڭ، بۇل جەر بەتىندە تىرشىلىك ەتكەن ەڭ ۇلكەن جانۋار دەگەن توقتامعا كەلدىك»، - دەدى سۇحبات بارىسىندا پالەونتولوگتار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى