قازاقستاننىڭ حالىقارالىق ۆاليۋتا قورىنداعى كۆوتاسى ارتتى
بۇل رەتتە قازاقستان رەسپۋبليكاسى داۋىستارىنىڭ ۇلەسى %17 عا ۇلعايتىلاتىن بولادى. ءتيىستى شەشىمدى ق ر ۇلتتىق بانكىنىڭ باسقارماسى 2015 -جىلعى 24 -ساۋىردە قابىلدادى.
قازاقستان «حالىقارالىق ۆاليۋتا قورى كەلىسىمىنىڭ باپتارىنا تۇزەتۋلەردى راتيفيكاتسيالاۋ تۋرالى» 2015 -جىلعى 20 -ناۋرىزداعى № 298-V ق ر ز قازاقستان رەسپۋبليكاسىنىڭ زاڭىن قابىلداۋ ارقىلى ح ۆ ق كەلىسىمىنىڭ باپتارىنا تۇزەتۋلەردى راتيفيكاتسيالادى.
ح ۆ ق كەلىسىمىنىڭ باپتارىنا سايكەس ءوز كۆوتاسىن ۇلعايتاتىن ءاربىر مەملەكەت ح ۆ ق- داعى كۆوتانى ۇلعايتۋ سوماسىنان %25 دى تولەۋگە ءتيىس. كۆوتانى ۇلعايتۋ سوماسىنىڭ %75 نا بارابار سومانى تولەۋ ۆەكسەل شىعارۋ جولىمەن جۇزەگە اسىرىلۋى مۇمكىن.
«كۆوتانى ۇلعايتقان كەزدە ق ر ۇلتتىق بانكىنىڭ التىنۆاليۋتا اكتيۆتەرى ازايمايتىنىن اتاپ وتكەن ءجون، سەبەبى %25 دىق ۇلەس مۇشە مەملەكەتتىڭ رەزەرۆتىك اكتيۆتەرىنىڭ قۇرامداس بولىگى بولىپ تابىلادى، ال %75 دىق ۇلەس شارتتى سيپاتقا يە جانە اكتيۆ نەمەسە مىندەتتەمە رەتىندە جىكتەلمەيدى» ، - دەپ اتاپ كورسەتتى ق ر ۇلتتىق بانكىنىڭ حالىقارالىق قاتىناستار جانە جۇرتشىلىقپەن بايلانىس دەپارتامەنتىنىڭ ديرەكتورى ايدار قازىبايەۆ.
ساراپشىلاردىڭ پىكىرىنشە، قازاقستاننىڭ حۆق كاپيتالىنداعى كۆوتاسىن ۇلعايتۋ ەلدىڭ ودان ءارى قارجىلىق تۇراقتىلىعىن قامتاماسىز ەتۋگە جاعداي جاسايدى، سەبەبى قازاقستان كۆوتا كولەمىنەن ءۇش ەسەلەنگەن مولشەردە ح ۆ ق- نىڭ كرەديتتىك جەلىسىنە سۇيەنە الادى. قازاقستاننىڭ ح ۆ ق كاپيتالىنداعى ىقپالىن كۇشەيتۋ ەل رەيتينگىنىڭ جاقسارۋىنا سەپتىگىن تيگىزەدى ءارى ح ۆ ق قۇرىلىمدارىندا داۋىس بەرگەن كەزدە قازاقستاننىڭ ۇستانىمىن نىعايتادى.
اۆتور: گۇلميرا عوسمانالي
