قازاقستانداعى «نۇرلى جول» ەكونوميكالىق ساياساتى ءبىزدىڭ ىنتىماقتاستىعىمىزدىڭ دامۋىنا جاڭا سەرپىن بەرەتىنىنە سەنىمدىمىن - ق ر- داعى ساۋد ارابياسىنىڭ ەلشىسى

 ساۋد ارابياسى كورولدىگىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى گورم بەن سايد ال مالحاننىڭ «قازاقپارات» ح ا ا- عا بەرگەن سۇحباتى وسى تاقىرىپتى قوزعايدى.

- قازاقستان مەن ساۋد ارابياسى اراسىنداعى ديپلوماتيالىق قارىم- قاتىناستىڭ 20 جىلدان استام كەزەڭىن قالاي باعالايسىز؟

 - ساۋد ارابياسى قازاقستاننىڭ تاۋەلسىزدىگىن مويىنداعان العاشقى ەلدەردىڭ ءبىرى. قازاقستاننىڭ تاۋەلسىزدىگىن مويىنداعان ساۋد ارابياسى كورولدىگى سىزدەردىڭ سىرتقى ساياساتىڭىزدىڭ دامۋىنا بەلسەندى قاتىستى، ەلدەرىڭىزدەگى ەكونوميكالىق جاڭاشىلدىقتارىڭىزدان حاباردار بولۋعا تىرىستى. س ا ك استانا قالاسىنىڭ كارديوورتالىق قۇرىلىسى جوباسىنا جانە وزگە دە الەۋمەتتىك نىساندارعا ينۆەستيتسيا قۇيدى.

 ەر- ريادتىڭ قازاقستان مەن ورتالىق ازياعا قاتىستى سىرتقى ساياسي باعىتى بۇرىنعىداي. س ا ك اشىق سىرتقى ساياسات جۇرگىزەدى، ءبىز ق ر- مەن دوستىق بايلانىستى قولدايمىز. ءبىز قازاقستاننىڭ ورتالىق ازياداعى كوشباسشىلىق ورنىن جوعارى باعالايمىز.

- بۇگىندە ەكى ەل اراسىنداعى بايلانىس قالاي دامىپ جاتىر، قاي سالا مەن باعىتتارعا باسىمدىق بەرىلەدى؟

 - سوڭعى جىلدارى ساۋدا- ەكونوميكالىق جانە ينۆەستيتسيالىق سالالارداعى قارىم- قاتىناستىڭ دامۋىنىڭ جاقسى مۇمكىندىكتەرى تۋدى. قوس ەل اراسىنداعى تاۋار اينالىمى كورسەتكىشى جوعارى ەمەس، الايدا بۇل باعىتتا دا ءوسىم بايقالىپ كەلەدى.

 جاقىن ارادا س ا ك- تان ءبىزدىڭ ەلىمىزدىڭ ساۋدا جانە يندۋستريا ءمينيسترى باسقاراتىن دەلەگاتسيا قازاقستانعا كەلەدى دەپ كۇتىلۋدە. ساپار بارىسىندا تاراپتار ەكسپو-2017 كورمەسىنە قاتىسۋ اياسىنداعى ىنتىماقتاستىقتىڭ دامۋى مەن ەكى جاقتى ينۆەستيتسيا اياسىن كەڭەيتۋ ماسەلەلەرىن تالقىلايدى.

قازىرگى ۋاقىتتا ءبىز اۋىل شارۋاشىلىعى، تۋريزم، ينۆەستيتسيا، قورشاعان ورتانى قورعاۋ، ازاماتتىق اۆياتسيا، مادەنيەت جانە اقپارات، سپورت سالالارىنداعى ىنتىماقتاستىق پەن ءوزارا ءىس- قيمىل جونىندەگى مەموراندۋمداردى دايىنداپ جاتىرمىز.

 سونىمەن قاتار س ا ك ساۋدا- ەكونوميكالىق پالاتاسى مەن ق ر ۇلتتىق كاسىپكەرلەر پالاتاسى اراسىنداعى كەلىسىمگە قول قويۋ ماسەلەسىن قاراستىرماقپىز. ءبىز ساۋد ينۆەستورلارىن قازاقستانعا تارتۋدى جوسپارلاپ وتىرمىز. ويتكەنى ءبىزدىڭ ەلدە ينۆەستيتسيا قۇيۋعا مول مۇمكىندىكتەر بار.

قازاقستاندىق ينۆەستورلاردى دا ەلىمىزگە تارتۋعا نيەتتىمىز.

 «نۇرلى جول» جاڭا ەكونوميكالىق ساياساتى ءبىزدىڭ مەملەكەتتەر اراسىنداعى ەكونوميكالىق بايلانىستىڭ دامۋىنا جاڭا سەرپىن بەرەدى دەپ سەنەمىن. قازاقستان بىزگە ءبىرقاتار قىزىقتى جوبا ۇسىندى، بۇل تۋرالى ساۋد ارابياسىنىڭ كوپتەگەن كومپانيالارىنا حابارلادىق، بۇل ستراتەگيالىق باعدارلاماعا ولار دا بەلسەندى قاتىسادى دەپ ۇمىتتەنەمىز.

- بيىل استانادا الەمدىك جانە ءداستۇرلى دىندەر باسشىلارىنىڭ 5- سەزى وتەتىنىن بىلەسىز.

 - ساۋد ارابياسىنىڭ دەلەگاتسياسى دا استانادا وتەتىن الەمدىك جانە ءداستۇرلى دىندەر باسشىلارىنىڭ 5- سەزىنە قاتىسادى. قازاقستاننىڭ ءتۇرلى ءدىن مەن مادەنيەت وكىلدەرى اراسىندا ءوزارا تۇسىنىستىك ورناۋى ءۇشىن وسىنداي جوعارى دەڭگەيدەگى حالىقارالىق كوپ قىرلى پلاتفورما ۇيىمداستىرۋ باستاماسىن قولدايمىز. س ا ك- تا بۇل ماقساتپەن 2011 - جىلى ۆەنادا كورول ابدۋللا بين ءابدۋلازيزدىڭ ءدىنارالىق جانە مادەنيەت ارالىق ديالوگىنىڭ حالىقارالىق ورتالىعى (KAICIID) قۇرىلدى.

شىعىس پەن باتىس اراسىنداعى ديالوگ الەمدىك قاۋىمداستىق ءۇشىن قاجەت. بۇگىندە، كورىپ وتىرعانىمىزداي، «يسلاموفوبيا» ماسەلەسى ءورشىپ كەلەدى. الداعى ۋاقىتتا استانادا وتەتىن الەمدىك جانە ءداستۇرلى دىندەر باسشىلارىنىڭ سيەزىندە بۇل سالاداعى ديالوگ پەن ءوزارا تۇسىنىستىكتى نىعايتۋدىڭ مۇمكىندىگى تۋىپ وتىر دەپ سانايمىن. قازاقستاندا ۇلتارالىق جانە كونفەسسيا ارالىق كەلىسىمنىڭ تاجىريبەسى مول. شىعىس پەن باتىستىڭ، وركەنيەيتتەردىڭ توعىسىندا تۇرعان قازاقستاننىڭ ءتۇرلى مادەنيەتتەر پەن دىندەردىڭ جاقىنداسۋىندا اتقاراتىن ءرولى ماڭىزدى.

- اڭگىمەڭىزگە راحمەت!

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى