تۇرىك جانە قازاق تاريحشىلارى ورتاق عىلىمي جۋرنال شىعارماق

ميمار سينان كوركەمونەر ۋنيۆەرسيتەتى جانە تۇركى الەمى مۋنيتسيپاليتەتتەرى وداعىنىڭ تىزە قوسا وتىرىپ 15-16- ءساۋىر كۇندەرى ىستامبۇلدا ۇيىمداستىرعان قازاقتىڭ تۇڭعىش تاريحشىسى ەرمۇحان بەكماحانوۆتىڭ تۋعانىنا 100 جىل تولۋىنا وراي «كەڭەستىك تاريحناما جانە قازاقستان تاريحىنىڭ ماسەلەلەرى» اتتى حالىقارالىق سيمپوزيۋم جوعارى دەنگەيدە ءوتتى.

سيمپوزيۋمعا قازاقستان، سولتۇستىك كيپير جانە تۇركيادان 14 عالىم كەڭەستىك تاريحنامانى ءتۇرلى اسپەكتىلەرىمەن تالداعان باياندامالار جاسادى. العاشقى وتىرىستا بەكماحانوۆتىڭ ءومىرى مەن عىلىمي جۇمىستارى اتاپ كورسەتىلدى. بەكماحانوۆتىڭ بەتبە-بەت كەلگەن بارلىق قىسىمدار مەن قيىندىقتارعا توتەپ بەرگەن تاريحشى عالىمدار ۇلگى تۇتارلىق كاسىبي ماحابباتى مەن تاباندىلىعى ەگجەي-تەگجەيلى ايتىلدى.

ەكىنشى وتىرىستا بەكماحانوۆ زەرتتەگەن تاقىرىپتار مەن قازاق تاريحىنىڭ كەڭەستىك داۋىرگە قاتىستى ماسەلەلەرى ءسوز بولدى. ءۇشىنشى وتىرىستا كەڭەستىك تاريحنامادا ۇلتتىق زيالىلار جانە كەڭەستىك تاريح تۇسىنىگىنەن ۇلتتىق تاريح تۇسىنىگىنە كوشۋ ءۇردىسى تالقىلاندى. ءتورتىنشى وتىرىستا قازاق تاريحى تۋرالى زەرتتەۋلەردەگى يدەولوگيالىق قىسىم، شەكتەۋلەر مەن كەڭەستىك تاريحنامادا ۇلتتىق تاريحتارعا قاراۋ ءتاسىلى تۋرالى باياندامالار وقىلدى. بەسىنشى جانە جابىلۋ وتىرىسىندا سيمپوزيۋم قورىتىندىلانىپ، كونفەرەنتسيا تۋرالى باعالاۋلار مەن ۇسىنىستار ايتىلدى.

حالىقارالىق سيمپوزيۋم باياندامالارىن جيناقتاعان كىتاپتىڭ تۇساۋكەسەرى قازاقستاننىڭ تۇركياداعى ەلشىسى جانسەيىت تۇيمەبايەۆتىڭ قامقورشىلىعىندا كۇزدە ىستامبۋلدا وتەتىن بولدى.

ايتا كەتەيىك، اتالعان شارا تۇركياداعى بەلگىلى تاريحشى قانداسىمىز ءابدىۋاقاپ قارا ۇيىمداستىرۋىمەن وتكەن بولاتىن.

baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى