بىرنەشە ايەل العان ەركەكتەر جۇرەك اۋرۋىنا ءجيى شالدىعادى

مۇنداي جاڭالىقتى اراب عالىمى امين داۋلاح ازيا كارديولوگتارىنىڭ كونگرەسىندە مالىمدەدى. «قارجىلاي جانە پسيحولوگيالىق قىسىمنىڭ تىم كوپ بولۋىنان كوپ ايەل العان ەر ازاماتتار جۇرەك اۋرۋلارىنا ءجيى شالدىعادى» دەدى عالىم اتالعان جيىن بارىسىندا.

داۋلاح پەن ونىڭ ارىپتەستەرى تاياۋ شىعىستا جۇمىس ىستەيدى. مۇندا كوپ ايەلگە ۇيلەنۋ قالىپتى جاعداي. ولار جەرگىلىكتى 687 ەر ازاماتتىڭ جۇرەكتەرىن تەكسەرۋدەن وتكىزگەن.

تەكسەرۋدەن وتكەندەردىڭ ورتاشا جاس كورسەتكىشى - 59 جاس. ولاردىڭ 68 پايىزى جالعىز ايەلمەن نەكەلەسكەن. زەرتتەۋ ناتيجەسى كورسەتكەندەي، بىرنەشە ايەلى بار ەر ازاماتتاردا جۇرەك اۋرۋىنا شالدىعۋ مۇمكىندىگى وزگەلەرىنەن سالىستىرعاندا 4,6 ەسەگە جوعارى.

ەندى اراب عالىمدارى ءدال وسىنداي تەكسەرۋدى ايەلدەرگە دە جۇرگىزىپ كورمەك.

baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى