قازاقستاندىق اسكەري تەڭىزشىلەر تەڭىز بياتلونىنا دايارلىعىن باستادى - فوتو

دەپ حابارلايدى ق ر ق م رەسمي سايتى.

ءۇش كۇن بويى كاسپيدە اسكەري تەڭىزشىلەر جاعالاۋعا تاياۋ ماڭدا جۇزۋگە، 30-40 مەتر تەرەڭدىكتە زاكىردى ءتۇسىرىپ، كەمەنى ايالداتۋعا، حالىقارالىق م س س-65 دابىلدار جيىنتىعىنا سايكەس ءتۇرلى تۇستەر مەن جالاۋشالارمەن دابىل بەلگىسىن بەرۋگە جاتتىعادى. سونداي- اق بورت سىرتىندا قالىپ قويعان ادامدى قۇتقارۋ جۇمىستارى پىسىقتالادى.

ءبىزدىڭ اسكەري تەڭىزشىلەر ءۇشىن اتالعان تاجىريبە ساباقتارى - الداعى حالىقارالىق «كاسپي تەڭىزى - 2015» جارىسىنا جاقسى جاتتىعۋ بولماق. ويتكەنى وسى جاتتىعۋلار تەڭىز بياتلونىنىڭ ءۇش كەزەڭىنە ەنگىزىلگەن بولاتىن.

ەستەرىڭىزگە سالا كەتسەك، «كاسپي تەڭىزى-2015» - كاسپي ماڭى ەلدەرى اسكەري- تەڭىز كۇشتەرىنىڭ قاتىسۋىمەن وتكىزىلەتىن العاشقى سايىس. جارىس بيىل جازدا كاسپيدىڭ اكۆاتورياسىندا وتەدى. اتاپ ايتساق، تەڭىز بياتلونىنا وتاندىق «قازاقستان»، «ورال» جانە «سارى ارقا» زىمىراندى- ارتيللەريالىق كەمەسىنىڭ ەكيپاجدارى، سونداي- اق تەڭىز جاياۋ اسكەرلەرىنىڭ بريگاداسى قاتىسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى