قاھارىنا مىنگەن «قايراتتى» ايگىلى «بارسەلونا» دا توقتاتا المايدى - باسپا سوزگە شولۋ

***

«ەگەمەن قازاقستان» گازەتىنىڭ بۇگىنگى سانىندا «جالاقى قارىزى وتەلدى» دەگەن ماتەريال بەرىلگەن. پروكۋراتۋرا قىزمەتكەرلەرى اتىراۋ قالاسىنداعى كاسىپورىنداردا ەڭبەك زاڭناماسىنىڭ ساقتالۋىنا، سونىڭ ىشىندە، جۇمىسشىلارعا ۋاقتىلى ەڭبەكاقىلارىن تولەۋ بويىنشا مونيتورينگ جۇرگىزدى.

مونيتورينگتىڭ ناتيجەسىندە مۇناي جانە گاز سالاسىندا قىزمەت جاسايتىن «گيۋرال» سەرىكتەستىگىندە 79 جۇمىسشىعا جالپى سوماسى 24 ميلليون تەڭگەدەن استام ەڭبەكاقى تولەنبەگەندىگى انىقتالدى.

تالداۋ ناتيجەسى كورسەتكەندەي، جالاقىنىڭ وسىنداي ءىرى كولەمدەگى جيىنتىق سوماسى جۇمىسشىلارعا وتكەن جىلدىڭ قاراشا، جەلتوقسان جانە بيىلعى قاڭتار، اقپان ايلارىندا تولەنۋى ءتيىس بولعان.

بۇل فاكتى اتىراۋ قالالىق پروكۋرورىنىڭ نازارىنا الىنىپ، ونىڭ ۇيعارىمىمەن اتالعان ەڭبەكاقى سوماسى جۇمىسشىلارعا تولىعىمەن تولەندى. سونىمەن قاتار، اتىراۋ قالاسى پروكۋراتۋراسىنىڭ ۇسىنىسى نەگىزىندە «اتىراۋ باس جوسپار» ج ش س- مەن 63 جۇمىسشىعا جالپى سوماسى 3,3 ميلليون تەڭگە بولاتىن جالاقى قارىزى دا تۇگەلدەي وتەلدى.

باس باسىلىمدا «سايلاۋ قورىتىندىلارى انىقتالدى» اتتى ماقالا كوپشىلىك نازارىنا ۇسىنىلىپ وتىر. كەشە قازاقستان رەسپۋبليكاسى ورتالىق سايلاۋ كوميسسياسىنىڭ وتىرىسى بولدى، وندا 2015 -جىلعى 26 -ساۋىردەگى قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنىڭ قورىتىندىلارى جاريالاندى.

وبلىستىق، استانا جانە الماتى قالالىق اۋماقتىق سايلاۋ كوميسسيالارى ۇسىنعان دەرەكتەرگە سايكەس، ورتالىق سايلاۋ كوميسسياسى تىزىمدەرگە ەنگىزىلگەن 9547864 سايلاۋشىنىڭ 9090920 سى نەمەسە %95,21 ى داۋىس بەرۋگە قاتىسقانى بەلگىلى بولىپ وتىر.

سايلاۋشىلار داۋىسى جالپى رەسپۋبليكا بويىنشا تومەندەگىدەي ءبولىنىپتى: ءابىلعازى قالياقپار ۇلى قۇسايىنوۆقا سايلاۋشىلاردىڭ 57718 داۋىسى بەرىلسە، بۇل %0,64 دى قۇرايدى. نۇرسۇلتان ءابىش ۇلى نازاربايەۆقا - 8833250 نەمەسە %97,75. تۇرعىن ىسقاق ۇلى سىزدىقوۆقا - 145 756 نەمەسە %1,61.

***
«ايقىن» گازەتىنىڭ جازۋىنشا، ۋران ءوندىرىسىنىڭ تابيعاتقا، ادام دەنساۋلىعىنا اكەلەر زاردابىن قالايشا بولدىرماۋعا بولادى؟

كەشە «قازاتومونەركاسىپ» ۇ ا ك» ا ق- نىڭ الماتىدا وتكەن سەمينار- كەڭەسىندە وتكەن جىلى حولدينگ كاسىپورىندارىندا ەڭبەكتى، قورشاعان ورتانى قورعاۋ، رادياتسيالىق، يادرولىق جانە ءورت قاۋىپسىزدىگىن قامتاماسىز ەتۋ سالاسىنداعى جۇمىستارعا قورىتىندى جاسالىپ، ۇستىمىزدەگى جىلعا جاڭا مىندەتتەر بەلگىلەندى. سەمينار- كەڭەستە ءبىرىنشى بولىپ ءسوز العان «قازاتومونەركاسىپ» ۇ ت ك» باسقارما ءتوراعاسىنىڭ ءبىرىنشى ورىنباسارى سەرگەي ياشين وتكەن جىلعى قاۋىپسىزدىك شارالارىن ساقتاۋعا قاتىستى اتقارىلعان ءىس-شارالارعا توقتالدى. ونىڭ ايتۋىنشا، قاۋىپسىزدىك تالاپتارىن بۇزۋ فاكتىلەرى 2013 -جىلمەن سالىستىرعاندا، 28 پايىزعا ازايعان. ال 2014 -جىلى كومپانيا ءوندىرىستىڭ قورشاعان ورتاعا تەرىس ىقپالىن بارىنشا ازايتۋعا، سۋ تازالاعىش قوندىرعىلاردىڭ تيىمدىلىگىن ارتتىرۋعا باعىتتالعان ءىس-شارالارعا 1,19 ميللياردتان استام تەڭگە ءبولىپتى. بۇل ماقالا «رادياتسيالىق قاۋىپسىزدىك - باستى نازاردا» دەگەن تاقىرىپپەن جاريالاندى.

وسى باسىلىمدا «قاھارىنا» مىنگەن «قايراتتى» ايگىلى «بارسەلونا» دا توقتاتا المايدى» اتتى ماقالا باسىلدى.

«بۇگىنگى تاڭدا «قايرات» الەمدەگى ەڭ بەلدى كوماندالاردىڭ بىرىنە اينالۋى جوعارىداعى سوزىمىزگە ايقىن دالەل بولا الادى. ءيا، بازبىرەۋلەر «بۇل ۇجىمنىڭ تەڭ جارىسىنان استامى - برازيليالىق فۋتبولشىلار. وندا نەسىنە قۋانامىز؟» دەپ ايتۋى دا مۇمكىن.

ءبىراق بۇل الەمدىك سپورتتا بار ءۇردىس. بۇگىنگى تاڭدا بارلىق بەلدى كوماندانىڭ ساپىندا لەگيونەرلەر قاپتاپ ءجۇر. بۇل زاماناۋي ۇردىستەن قاشىپ قۇتىلۋ دا مۇمكىن ەمەس. «قايراتتىڭ» ساپىندا دىنمۇحامەد سۇلەيمەنوۆ، سەرىك جامانقۇلوۆ، تيمۋر مۇرزابايەۆ جانە عالىمجان قوسمۇحامبەتوۆ سىندى قانداستارىمىزدىڭ ونەر كورسەتىپ جۇرگەنىن ەستەن شىعارماعان ءجون. ولاي بولسا، الماتىلىقتاردىڭ بۇل تابىسى بارشا قازاقستاندىقتارعا ورتاق دەپ ايتۋعا بارلىق نەگىز بار»، - دەپ جازادى ماقالا اۆتورى.

***

«ەكسپرەسس- ك» باسىلىمىنىڭ بۇگىنگى سانىندا «ۋسپەحي كازاحستانا ۆيدنى داجە يز كوسموسا» دەگەن ماتەريال بەرىلگەن. حالىقارالىق عارىش ستانساسىنىڭ رەسەيلىك ەكيپاجى نۇرسۇلتان نازاربايەۆتى پرەزيدەنتتىك سايلاۋداعى جەڭىسىمەن قۇتتىقتادى. گەننادي پادالكا، ميحايل كورنيەنكو جانە انتون شكاپلەروۆ عارىشتاعى سالماقسىزدىق كۇيدە ءبىزدىڭ ەلىمىزدەگى سايلاۋ ناۋقانىن قىزىعۋشىلىقپەن بايقاپ وتىرعان ەكەن.

«سايلاۋ ناۋقانى كەزىندە ءبىز قوناقجاي قازاق جەرىنەن ءساتتى ۇشقان بولاتىنبىز. ءسىزدىڭ قۋانىشىڭىزبەن بولىسكىمىز كەلەدى. ءسىزدىڭ ەلىڭىزدىڭ بەيبىتشىلىك ساياساتتى ۇستانعان تاجىريبەسى كوپتەگەن مەملەكەتتەر ءۇشىن ۇلگى بولدى. قازاقستان عارىشتان جاقسى كورىنىپ وتىر، بۇل - قۋاتتى، كۇشتى ءارى ادەمى مەملەكەت»، - دەلىنگەن عارىشكەرلەر قۇتتىقتاۋىندا.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى