ەستە ساقتاۋ قابىلەتىن جاقسارتۋ ءۇشىن
ولاي بولسا، ەستە ساقتاۋ قابىلەتىمىزدى قالاي جاقسارتامىز؟
1. جاتتىعۋ
ءسوزجۇمباقتار، ويشا ساناۋ، لوگيكالىق سۇراقتاردى شەشۋ، ولەڭدەردى جاتتاۋ، شەت تىلدەرىن مەڭگەرۋ - ميدى جۇمىس ىستەتۋگە ارنالعان ەڭ ءتيىمدى ادىستەر. بۇلار - پايدالى ءارى جەڭىل تاسىلدەر.
2. ءجۇزىم شىرىنى
كۇندەلىكتى تاماقتانۋ مازىرىنە ءجۇزىم شىرىنىن قوسساق، ەستە ساقتاۋ قابىلەتىمىز %20 عا جاقسارادى. ءجۇزىم شىرىنى كۇلگىن ءتۇستى بولۋى كەرەك. ونىڭ قۇرامىندا ميدى جاسارتاتىن انتيوكسيدانتتار كوپ.
3. فيزيكالىق بەلسەندىلىك
جاياۋ ءجۇرۋ، جۇگىرۋ مەن بيلەۋ - دەنەنى جاتتىقتىرىپ، ەستە ساقتاۋ قابىلەتىن جاقسارتاتىن ءادىستىڭ ءبىرى. مۇنداي بەلسەندىلىك ەستە ساقتاۋعا اسەر ەتەتىن جاسۋشالاردىڭ پايدا بولۋىنا سەپتىگىن تيگىزەدى.
4. داۋىستاپ ايتۋ
ەگەر ءبىز تەلەفون ءنومىرىن، مەكەن جايىن نەمەسە بىرەۋدىڭ اتى ءجونىن داۋىستاپ ايتساق، ميىمىز ونى جاتتاپ الادى. بۇل جازىپ الۋ ادىسىنەن الدەقايدا تەزىرەك جۇزەگە اساتىن قۇبىلىس.
5. ۇيقى
جاقسى ۇيقى - دەنساۋلىق كەپىلى. ۇيقىسىن قاندىراتىن ادامداردىڭ ءومىرى ۇزاق بولادى. ۇيىقتاپ جاتقان كەزدە اعزامىز بوساڭسىپ، دەمالادى. جاسارتاتىن گورموندار قىزمەتى تەزدەتىلەدى. ۇيقىسى قانعان اعزا اقپاراتتى 2 ەسە جاقسىراق ەسىندە ساقتايدى.
6. رەلاكساتسيا
مەديتاتسيا، يوگا جانە ۋقالاۋ زەيىندى ءبىر ارناعا جيناقتاۋعا، ەستە ساقتاۋعا اسەر ەتەدى.
7. كوزگە ارنالعان جاتتىعۋ
ەگەر كۇندە تاڭەرتەڭ 30 سەكۋند بويى كوزىڭىزگە جاتتىعۋ جاساپ تۇرساڭىز، ەستە ساقتاۋ قابىلەتى %10 عا جاقسارادى. مۇنى عالىمدار دالەلدەگەن.
8. بايلانىس
ەستە ساقتاۋ ادىستەرىنىڭ ءبىرى - فاكتىلەردى ءبىر- بىرىمەن بايلانىستىرۋ (اسسوتسياتسيا).
9. تاماقتانۋ
دۇرىس تاماقتانۋ ەستە ساقتاۋعا تىكەلەي اسەر ەتەدى. ەڭ الدىمەن، انتيوكسيدانتتاردى جەۋ كەرەك. قارا ورىك، ساۋمالدىق، جاڭعاق، تسيترۋس، قىزىلشا، قاراجيدەك پەن مەيىزدى جيىرەك جەۋىڭىز كەرەك.
10. دارۋمەندەر
ەڭ پايدالى دارۋمەن - ۆ دارۋمەنى. ۆ12 دارۋمەنىنىڭ (بالىق، ەت، جۇمىرتقا، قۇس) جەتىسپەۋشىلىگى ەستە ساقتاۋ قابىلەتىنە كەرى اسەر ەتەدى. بۇل دارۋمەن جۇمىس ىستەۋدە كومەكشى بولىپ كەلەدى. سونداي- اق س، ە دارۋمەندەرى جايلى دا ۇمىتپاۋىمىز كەرەك.
ميدى ۇنەمى جۇمىس ىستەتىپ تۇرساڭىز، ەستە ساقتاۋ قابىلەتىڭىز دە جاقسارادى.
