قازاقستاننىڭ شەكارا قىزمەتى اۆياتسياسى جەڭىس پارادىنا دايىندالۋدا - فوتو، كەسكىن
اسكەري پاراد كەزىندە شەكاراشىلاردىڭ «م ي-171 ش» تىكۇشاعى مەن «ا ن-74» جانە «ا ن-26» ۇشاقتارى «سىنا» («كلين») اسكەري تارتىبىمەن ۇشىپ وتەتىن بولادى.
قازىرگى ۋاقىتتا اۋە ەكيپاجدارى ۇلكەن دايىندىق ۇستىندە. شەكارالىق ۇشقىشتار اۋەدەگى ارا قاشىقتىق، بيىكتىك، ۋاقىتتى ەسەپتەۋ جاعىنان ينجەنەرلىك-شتۋرماندىق ەسەپتەرىن، ۇشقىشتىق شەبەرلىكتەرىن شىڭداي تۇسۋدە.
پارادقا قاتىساتىنداردى ىرىكتەۋ، دايىنداۋ جۇمىستارى الدىن الا باستالعانىمەن، اسكەري پاراد بولاتىن ۋاقىت جاقىنداعان سايىن جاتتىعۋلار وتە ۇلكەن جاۋاپكەرشىلىكپەن وتۋدە.
ەلوردا تۇرعىندارى مەن قوناقتارى جەڭىس كۇنىندەگى اسكەري پاراد كەزىندە شەكارالىق ۇشقىشتاردىڭ اۋەدەگى شەبەرلىگىن تاماشالايتىن بولادى.
