بەكمامبەتوۆتىڭ فيلمى ءوز شىعىنىن امەريكادا ەسەلەپ قايتاردى
Unfriended فيلمىنە ءبىر ميلليون دوللار جۇمسالعان ەدى. ال ونىڭ ماركەتينگىنە كەتكەن قاراجات ايتىلمايدى. كارتينا پروديۋسەرى بەكمامبەتوۆ فيلمنىڭ زەرتتەۋ رەتىندە تۇسىرىلگەنىن جانە وعان سەنىمنىڭ بولماعانىن ايتتى.
ايتا كەتەيىك، رەجيسسەر لەو گابريادزەنىڭ رەسەيلىك حوررورى 17- ساۋىردە ا ق ش ەكراندارىنان كورسەتىلىپ، 16 ميلليون ا ق ش دوللارىن تاپتى جانە كاسسالىق جيىندار بويىنشا ءۇشىنشى ورىنعا كوتەرىلدى. Box Office Mojo پورتالىنىڭ حابارلاۋىنشا، ءبىرىنشى ورىندا دجەيمس ۆاننىڭ «فورساج-7» فيلمى تۇر (29 ميلليون 56 مىڭ دوللار)، ەكىنشى ورىندا ەندي فيكمەننىڭ «تولستياك پروتيۆ ۆسەح» فيلمى تۇر - 24 ميلليون دوللار.
كارتينا وقيعاسى كومپيۋتەر ەكراندارىندا بولاتىندىقتان، فيلمنىڭ ۇتىمدىلىعى ونىڭ جانرىنا بايلانىستى بولىپ وتىر. كارتينادا ءبىر جىل بۇرىن قايتىس بولعان قىز ءوزىنىڭ سىنىپتاستارىمەن Skype-تە سويلەسەتىن بولادى. قىزدىڭ ولىمىنە فيلم كەيىپكەرىنىڭ ينتەرنەتتە كۇن كورسەتپەۋى سەبەپ.
