ق ر ۇلتتىق مۋزەيى ماسكەۋدە «ءبىز ناتسيزممەن بىرگە كۇرەستىك» كورمەسىن وتكىزەدى

كورمەدە قازاقستاندىقتاردىڭ ۇلى وتان سوعىسىنداعى ەرەن ەرلىگى، جەڭىسكە قوسقان ولشەۋسىز ۇلەسى جايىندا باياندالاتىن جادىگەرلەر قويىلماق.

كورمە 3 بولىمنەن تۇرادى.

ولاردىڭ ەڭ ءىرىسى - «قازاقستان سوعىس جىلدارىندا» ءبولىمى. وندا فوتو سۋرەتتەر، مۇراعات قۇجاتتارى، گازەت بەتتەرىنەن قيىندىلار، قازاقستاندىق ديۆيزيالاردىڭ سوعىس جولدارىنىڭ كارتالارى سەكىلدى تاريحي ماتەريالداردى قامتيتىن 6 ستەند قويىلادى: «سوعىستىڭ باسى. ديۆيزيالاردىڭ جاساقتالۋى»، «قازاقستاندىقتار سوعىس مايدانىندا»، «قازاقستان - مايدان ارسەنالى»، «تىل ەڭبەككەرلەرىنىڭ جەڭىسكە قوسقان ۇلەسى»، «داڭق شوق جۇلدىزى» جانە «باتىرلار داڭقى ماڭگى وشپەيدى! بۇل - ولىلەرگە ەمەس، بۇل - تىرىلەرگە كەرەك!».

2 ءبولىمنىڭ كورمە ەكسپوزيتسياسىنا سوعىس ارداگەرلەرىنىڭ جەكە زاتتارى، حاتتارى، ستاليننەن العان العىس حاتتارى، وردەندەرى مەن مەدالدارى، ستاليننىڭ «و ۆەليكوي وتەچەستۆەننوي ۆوينە سوۆەتسكوگو سويۋزا» اتتى بروشيۋراسى، اقمولادا (استانا) جاساقتالعان ديۆيزيالاردىڭ تۋلارى جانە ت. ب. قويىلعان.

3 بولىمدەگى «قازاقستان - مايدانعا!» ينستالياتسياسىنان كورەرمەندەر ەلىمىزدىڭ 2- دۇنيەجۇزىلىك سوعىستاعى جەڭىسكە قوسقان تىلدىق ۇلەسى تۋرالى باياندايدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى