بوكسشىلارىمىز البانيادان ەكى التىن ولجالاپ قايتتى
بۇل باسەكەگە قازاقستان قۇراماسىنىڭ بەس بىلعارى قولعاپ شەبەرى قاتىسىپ، ءبارى دە جۇلدەگە ىلىكتى.
XII رەت وتكەن دودادا قازاقستان، گەرمانيا، بولگاريا، يسپانيا، چەحيا، مونتونەگرو، كوسوۆا جانە شارشى الاڭ يەلەرىنىڭ بوكسشىلارى قاتىستى. اتالمىش باسەكەدە قازاقستان نامىسىن الماسبەك الىبەكوۆ (64 كەلى)، ساعادات راحمانقۇلوۆ (69 كەلى)، ساپارباي ايداروۆ (75 كەلى)، ارمان رىسبەك (81 كەلى) جانە قامشىبەك قوڭقابايەۆ (91+ كەلى) قورعاپ، بەس جۇلدە جەڭىپ الدى.
البان جەرىندە وتكەن باسەكەدە قازاقستان قۇراماسى بوكسشىلارىنان ساعادات راقمانقۇلوۆ پەن اسا اۋىر سالماقتا ونەر كورسەتەتىن قامشىبەك قوڭقابايەۆ بارلىق قارسىلاستارىن جەڭىپ التىن جۇلدە جەڭىپ السا، الماسبەك الىبەكوۆ اقتىق ايقاستا بولگاريالىق بوكسشى ايرين يسمەتوۆتان جەڭىلىپ، كۇمىستى قاناعات قىلدى.
ال ساپارباي ايداروۆ پەن ارمان رىسبەك Vllaznia تۋرنيرىنىڭ قولا جۇلدەسىن ولجالاپ قايتتى.
تۋرنيردىڭ قورىتىندىسى بويىنشا قازاقستان قۇراماسى جالپى كوماندالىق ەسەپتە ەكىنشى ورىن الدى. كوماندالىق ەسەپتە ءبىرىنشى ورىن شارشى الاڭ يەلەرى البانيا قۇراماسىنىڭ بوكسشىلارىنا بۇيىرسا، ۇزدىك ۇشتىكتى گەرمانيا مەن يتاليا بوكسشىلارى تۇيىندەدى.
ايتا كەتەيىك، دودا اياقتالعان سوڭ تورەشىلەردىڭ شەشىمىمەن البانيالىق بوكسشى كرەنار زەنەلي تۋرنيردىڭ ۇزدىك بوكسشىسى اتاندى.
جارتىلاي فينال: (قازاقستان بوكسشىلارىنىڭ ناتيجەلەرى)
64 كەلى: الماسبەك الىبەكوۆ (قازاقستان) - ۆيكتور اگاتەليان (چەحيا) - 3:0
69 كەلى: ساعادات راحمانقۇلوۆ (قازاقستان) - يوۋبا سيسسوكو (يسپانيا) - 2:1
75 كەلى: دەنيس رادوۆان (گەرمانيا) - ساپارباي ايداروۆ (قازاقستان) - 2:1
81 كەلى: الەكساندر رامو (البانيا) - ارمان رىسبەك (قازاقستان) 2:1
91+ كەلى: قامشىبەك قوڭقابايەۆ (قازاقستان) - نەلسون حيۋسا (البانيا) - 3:0
فينال: (قازاقستان بوكسشىلارىنىڭ ناتيجەلەرى)
64 كەلى: ايرين يسمەتوۆ (بولگاريا) - الماسبەك الىبەكوۆ (قازاقستان) - 3:0
69 كەلى: ساعادات راحمانقۇلوۆ (قازاقستان) - البان بەگيري (البانيا) - 2:1
91+ كەلى: قامشىبەك قوڭقابايەۆ (قازاقستان) - پاۆەل سۋر (چەحيا) - TKO
Vllaznia ءتۋرنيرىنىڭ جەڭىمپازدارى:
49 كەلى: سەرگەي نەيمانن (گەرمانيا)
52 كەلى: ۆينچەنتسو پيكاردي (يتاليا)
56 كەلى: كرەنار زەنەلي (البانيا)
60 كەلى: رەحيلدو زەنەلي (البانيا)
64 كەلى: ايرين يسمەتوۆ (بولگاريا)
69 كەلى: ساعادات راحمانقۇلوۆ (قازاقستان)
75 كەلى: دەنيس رادوۆان (گەرمانيا)
81 كەلى: سيمونە فيوري (يتاليا)
91 كەلى: ارمەند حسوشاي (كوسوۆو)
91+ كەلى: قامىشبەك قوڭقابايەۆ (قازاقستان)
اۆتور: ۋاليحان قوسانباي
«الاش ايناسى»
