شىمكەنتتە حالىقارالىق اۋەجاي سالىنادى

جوبانى جۇزەگە اسىرۋ اياسىندا جولاۋشىلار جانە جۇك تەرمينالدارىن قۇرۋ جوسپارلانعان. جوبا تۇجىرىمداماسىنا سايكەس، جاڭا تەرمينالدار تەمىر جولمەن، اۆتوبۋس ستانسالارىمەن جانە سالىنىپ جاتقان كولىك- لوگيستيكالىق ورتالىعىمەن كىرىكتىرىلەدى. اۋەجايدى دامىتۋدىڭ مۇنداي باعدارى قازاقستان اۋماعىندا العاش رەت پايدالانىلادى.

اۋماعى 34000 شارشى مەتردى قۇرايتىن جولاۋشىلار تەرمينالىنىڭ قۇرىلىسى ەكى كەزەڭمەن جۇرگىزىلمەك. بۇل ونىڭ جولاۋشىلاردى وتكىزۋ قابىلەتىن جىلىنا 2,5 ميلليون دەيىن جەتكىزۋگە جول اشادى.

جۇك تەرمينالى بازاسىندا كولىك- لوگيستيكالىق ورتالىعىمەن ىقپالداسىپ اۆيالوگيستيكالىق حاب داميدى. وندا ءوزىنىڭ ۋاقىتشا ساقتاۋ قويماسى مەن كەدەندىك باقىلاۋ پۋنكتى بار. قۇرىلىستىڭ العاشقى كەزەڭىن 2020 -جىلعا دەيىن جۇزەگە اسىرۋ كوزدەلگەن.

جوباعا سالىناتىن ينۆەستيتسيانىڭ جالپى كولەمى 143 ميلليون ا ق ش دوللارىنا باعالانعان. قوسىمشا 1000 نان استام جۇمىس ورنىن اشۋ جوسپارلانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى