ۋحان قالاسىندا ستۋدەنتتەر مەن اسكەري پاراشيۋتشىلەر دە داۋىس بەردى
بۇل تۋرالى قازاقپارات تىلشىسىنە تەلەفون ارقىلى ۋحان مەملەكەتتىك ۋنيۆەرسيتەتىنىڭ ستۋدەنتى جاندوس جاعىپاروۆ ءمالىم ەتتى.
«ق ح ا ا (قىتايدىڭ حالىق ازاتتىق ارمياسى) ءا ءا ك پاراشيۋتشىلەردى دايىنداۋ ورتالىعىنىڭ وقۋشىلارى ۋحان قالاسىنان 55 شاقىرىم جەردە ورنالاسقان سياوگان قالاسىندا جارتىجىلدىق وقۋدان ءوتىپ جاتىر. بۇگىن ارنايى داۋىس بەرۋ ءۇشىن كەلدى»، - دەدى ول.
ونىڭ سوزىنە قاراعاندا، ۋحاندا داۋىس بەرگەندەردىڭ اراسىندا 18 گە تولىپ العاش رەت داۋىس بەرىپ جاتقانداردىڭ قاتارى قالىڭ. «ۋحانداعى قازاقستاندىق ستۋدەنتتەردىڭ اتىنان قىتايداعى ق ر ەلشىلىگىنە ەلدىڭ ارى قاراي دامۋى ءۇشىن ۇلەسىمىزدى قوسۋعا مۇمكىندىك بەرگەندەرىنە العىس ايتقىمىز كەلەدى. ءبىز قۋاتتى قازاقستان ءۇشىن!»، - دەپ اتاپ ءوتتى ج. جاعىپاروۆ.
العاشقىلاردىڭ ءبىرى بولىپ ۋحان قالاسىندا ستۋدەنتتەر الىشەر احمەتوۆ، قىزىرباي مارقاتاي مەن ارمان باحتياروۆ داۋىس بەردى.
ەسكە سالا كەتەيىك، ۋحاندا بۇگىن №207 (ق ح ر- داعى ق ر ەلشىلىگى) جىلجىمالى سايلاۋ ۋچاسكەسى جۇمىس ىستەپ جاتىر.
