اسانالى ءاشىموۆ: كەزەكتەن تىس پرەزيدەنت سايلاۋى - ەل بىرلىگىن پاش ەتتى
كەيىن جۋرناليستەر الدىنا شىعىپ سويلەگەن سوزىندە اتاقتى ونەر مايتالمانى بۇگىنگى سايلاۋدىڭ قازاقستان ءۇشىن ماڭىزدى قادام ەكەندىگىن ايتتى.
«الماتىدا بۇگىن اۋا- رايى تاماشا بولىپ تۇر. قايىرىمدىلىق مارافونى ءوتتى. حالىق كوڭىلدى. بۇكىل الەمدى قامتىعان قارجىلىق داعدارىس كەزىندە وسىنداي كەزەكتەن تىس پرەزيدەنت سايلاۋىن وتكىزۋ - بۇل قازاقستان ءۇشىن ءسوزسىز ماڭىزدى قادام. حالىق مۇنى تۇسىنەدى. سوندىقتان دا ءوز ەرىكتەرىمەن كەلىپ، سانالى تۇردە داۋىس بەردى»، - دەدى ا. ءاشىموۆ.
ول ءوزى تىركەلگەن سايلاۋ ۋچاسكەسىنە كەلىپ، سايلاۋشىلار اراسىندا ءتۇرلى ۇلتتىڭ وكىلدەرى بار ەكەندىگىن كورىپ، ريزا بولعاندىعىن ايتتى.
«كەزەكتەن تىس پرەزيدەنت سايلاۋى - قازاقستاندىقتاردىڭ بىرلىگىن پاش ەتتى. بۇكىل قازاقستاندىقتاردى وسى كۇنمەن قۇتتىقتايمىن!»، - دەدى ك س ر و حالىق ءارتىسى.
اۆتور: جاپپاربەرگەن ايبوتا
