الماتىدا «قازاقپارات» اگەنتتىگى مەن قىتاي حالىقارالىق راديوسى وكىلدەرىنىڭ كەزدەسۋى ءوتتى
كەزدەسۋ بارىسىندا ۋاڭ گەننيان قىتاي حالىقارالىق راديوسىنىڭ قىزمەتى تۋرالى اڭگىمەلەپ، ەكى ەل اراسىنداعى ىنتىماقتاستىقتىڭ نىعايا تۇسۋىنە مۇددەلى ەكەندىگىن ءبىلدىردى.
«ءبىز تەك قانا بۇقارالىق اقپارات قۇرالدارى رەتىندە عانا ەمەس، سونىمەن قاتار ەكى ەل اراسىنداعى دوستىقتى، ءوزارا تۇسىنىستىكتى نىعايتۋشى كۇش رەتىندە دە ىنتىماقتاسقىمىز كەلەدى. قىتاي حالىقارالىق راديوسى ەڭ ءىرى حالىقارالىق راديوستانسالاردىڭ ءبىرى. بۇگىندە ءبىزدىڭ راديونىڭ سايتىندا الەمنىڭ 53 تىلىندە ماتەريالدار جارىق كورەدى. ولاردىڭ ىشىندە ارينە قازاق ءتىلى دە بار» - دەدى ۆان گەننيان مىرزا.
ونىڭ ايتۋىنشا، قىتاي حالىقارالىق راديوسىندا «قازاقپارات» اگەنتتىگىنىڭ گيپەرسىلتەمەسىن جانە «قازاقپارات» سايتىندا قىتاي حالىقارالىق راديوسىنىڭ گيپەرسىلتەمەسىن ورناتۋ - قىتايدا «قازاقپارات» اگەنتتىگىنىڭ، ال قازاقستاندا قىتاي حالىقارالىق راديوسىنىڭ تانىمالدىعىن ارتتىرا تۇسەدى.
ءوز كەزەگىندە الماتى قالاسىنداعى تىلشىلەر بيۋروسىنىڭ باستىعى سارا مۇستافينا «قازاقپارات» اگەنتتىگىنىڭ ءوزارا ءتيىمدى ىنتىماقتاستىققا قاشاندا دايىن ەكەندىگىن جەتكىزدى. ول سونىمەن قاتار، قىتايلىق قوناقتارعا اگەنتتىكتىڭ تاريحى مەن الداعى جوسپارلارى تۋرالى اڭگىمەلەپ بەردى.
