استانادا مەرەكەلىك ەتنواۋىل اشىلادى - فوتو
مۇندا قالا تۇرعىندارى مەن قوناقتارى قازاق حالقىنىڭ ۇلتتىق تاعامدارىنان ءدام تاتىپ، سالت- داستۇرلەرىمەن ەتەنە تانىسا الادى، دەپ حابارلايدى astana.kz.
ساياباق اۋماعىندا بارلىعى 5 كيىز ءۇي تىگىلەدى. سونىمەن قاتار كوپشىلىكتىڭ نازارىنا «شاڭىراق كوتەرۋ» ءداستۇرى ۇسىنىلادى.
مۇندا كەلگەن بارلىق استانالىقتار ءوز قولدارىمەن كيىز ءۇي قۇراستىرىپ، كوشپەندى حالىقتىڭ ءۇي تىگۋ مادەنيەتىمەن تانىسا الادى.
ەتنواۋىلدىڭ ەرەكشەلىكتەرىنىڭ ءبىرى - شەبەرلەر ۇيىندە ۇلتتىق اشەكەيلەر مەن بۇيىمدار قويىلادى. قوناقتار قولونەر شەبەرلەرىنىڭ كىلەم توقىپ، زەرگەرلىك بۇيىمداردى سوعىپ، اعاش ويعان ساتتەرىن تاماشالاي الادى. اتالمىش كيىز ۇيدە قولدانبالى ونەر بۇيىمدارىنىڭ كورمەسى دە ۇيىمداستىرىلماق.
بۇل جەردە تىگىلەتىن تاعى ءبىر ەرەكشە كيىز ءۇي - ساياتشىلار ۇيىندە كوشپەلى حالىققا ءتان اڭشىلىق ونەردىڭ قىر- سىرىمەن تانىسۋعا بولادى.
