قازاقستاندا جاسالعان اپپارات ارقىلى جۇرەك وتاسىنىڭ باعاسى ارزاندايدى

بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە «نازاربايەۆ ۋنيۆەرسيتەتىنىڭ» يننوۆاتسيالار بويىنشا ۆيتسە-پرەزيدەنتى قانات بايعارين ءمالىم ەتتى.

ونىڭ سوزىنە قاراعاندا، بىلتىرعى جەلتوقساندا ۇلتتىق عىلىمي كارديوحيرۋرگيالىق ورتالىقتا وسى جابدىقپەن قاناتقاقتى تۇردە وپەراتسيا جاسالدى. بۇل وپەراتسيا سول كەزدە ءساتتى وتكەن ەكەن.

اتاپ ايتقاندا، بيىل تاعى دا بىرنەشە وپەراتسيانى جاساۋ جوسپارلانىپ وتىرعان كورىنەدى. وسى مەديتسينالىق جابدىقتىڭ ءوندىرىسى نازاربايەۆ ۋنيۆەرسيتەتىنىڭ تەحنولوگيالىق پاركى بازاسىندا الداعى جىلدىڭ ورتا كەزىندە ىسكە قوسىلاتىن بولادى.

«ونىڭ قۇنى جابدىق ءوندىرىسىن ىسكە قوسقاننان كەيىن ايقىندالادى. الايدا، بۇل جابدىقپەن جاسالاتىن وپەراتسيا باعاسى بۇگىندە جاسالىپ جاتقان باعاعا قاراعاندا ونداعان ەسە ارزان بولادى»، - دەدى بايعارين.

وسى ورايدا، ول عالىمداردىڭ جاساپ شىعارعان بۇل اپپاراتىن قازاقستاننىڭ كلينيكالارىمەن قاتار، كورشىلەس ەلدەردىڭ دە مەديتسينالىق مەكەمەلەرى پايدالاناتىندىعىن اتاپ ءوتتى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى