قىتاي مىندەتتى قورلار مولشەرلەمەسىن تومەندەتتى

وسىلايشا ورتالىق بانك 1 تريلليوننان استام ءيۋاندى بوساتىپ، ەكونوميكاداعى اقشا كولەمىن ارتتىرماق. بۇل دامۋى باسەڭسىپ قالعان قىتايدىڭ قارجى جۇيەسىنە قالاي اسەر ەتەدى؟

بيىل قىتاي ەكىنشى مارتە مىندەتتى قورلار ءۇشىن مولشەرلەمەنى تومەندەتتى.

ورتالىق بانك ينفلياتسيانى اۋىزدىقتاۋ ءۇشىن وسىنداي قادامعا بارعان. سونىمەن قاتار بۇل شارا باياۋلاپ قالعان جالپى ىشكى ءونىمدى جانداندىرۋ ءۇشىن جاسالدى. وسىلايشا ەكونوميكاداعى اقشا كولەمىن ارتتىرۋ ارقىلى كاسىپكەرلەردى نەسيەلەندىرۋدى دە جەڭىلدەتپەك.

مۇنىڭ بارلىعىن جۇزەگە اسىرۋ ءۇشىن ەلدەگى بانكتەر قارجىسىنىڭ %18,5 ىن ورتالىق بانكتەگى دەپوزيتتە ساقتاۋى كەرەك. بۇعان دەيىن بۇل كورسەتكىش %19,5 بولاتىن. ياعني بانكتەرگە ءوز ەسەپشوتتارىندا كوبىرەك قارجى قالدىرۋعا مۇمكىندىك بەرىپ وتىر.

جاۋ شيجۋن، قىتاي ۇلتتىق ۋنيۆەرسيتەتى قارجى فاكۋلتەتى دەكانىنىڭ ورىنباسارى:

- مىندەتتى قورلار مولشەرلەمەسىن ءبىر پايىزعا تومەندەتۋ ارقىلى نارىققا 1 تريلليون 300 ميلليارد يۋان شىعادى دەگەن ءسوز. بۇل بانكتەردىڭ وتىمدىلىگىن ۇلعايتىپ، ولاردىڭ نەسيەلىك مۇمكىندىكتەرىن ارتتىرادى، قارىز تولەمىنىڭ پايىزىن تومەندەتەدى.

سونىمەن قاتار قارجى جۇيەسىن رەتتەۋشى ورتالىق بانك كوممەرتسيالىق بانكتەر ءۇشىن ەرەكشە جاعداي قاراستىرىپ وتىر. ولارعا بۇدان بىلاي شاعىن جانە ورتا كاسىپكەرلىكتى نەسيەلەندىرۋ ءۇشىن قوسىمشا تاعى جارتى پايىزعا مولشەرلەمەنى تومەندەتتى. ساراپشىلاردىڭ سوزىنشە بۇنىڭ بارلىعى ەكونوميكا دامۋىن قولداپ، دەفلياتسيانىڭ الدىن الۋ ماقساتىندا جاسالۋدا. «بيىل ءبىرىنشى توقساننىڭ قورىتىندىسى بويىنشا قىتاي ەكونوميكاسى %7 ءوسىم كورسەتتى. رەسمي بيلىك تە بۇعان دەيىن ساننان ساپاعا دەپ 7%- دى مەجەلەگەن بولاتىن. ەكونوميكا ءوسىمىن ءبىرقالىپتا ۇستاپ وتىرۋ ءۇشىن قىتاي ورتالىق بانكى قاتاڭ نەسيەلى ساياساتتى جۇمسارتىپ، ىرىقتاندىرۋ مەن ەكونوميكانى جاڭاشالاندىرا باستادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى