ايەلى كۇيەۋىن ەكى جىل بويى قاماۋدا ۇستاپ كەلگەن
زارداپ شەگۋشى 86 جاستاعى پابلو تامارايس كوراكيلو ەكى جىلىن لاشىق ۇيدە قولى كىسەندەۋلى كۇيدە وتكىزگەن.
بوساتىلعان پابلو پوليتسەيلەرگە ايەلى ءوزىن تاستاپ كەتەدى دەپ قورىققاننان كەيىن وسىنداي قادامعا بارعانىن ايتتى. وسى ۋاقىت ىشىندە زارداپ شەگۋشى ادام تانىماستاي وزگەرىپ، قاتتى ارىقتاعان. قۇقىق قورعاۋ ورگاندارى ونى تاپقان كەزدە، ول ءتىپتى ورنىنان ارەڭ قوزعالعان.
پوليتسياعا ايەلدىڭ اقىلعا سىيىمسىز مىنەز-قۇلقى جايلى كورشىلەرى حابارلاعان.
ولار ايەلدىڭ ەرىنىڭ قولىنا كىسەن تاعاتىنىن اندا-ساندا بايقاعان، ءبىراق جامان ويعا بوي الدىرماعان، ال تۇراقتى كىسەندەپ ۇستاعانىنان بەيحابار بولعان. ايەلدىڭ ارەكەتىنەن سەكەمدەنگەن كورشى ەر ادام پوليتسيانى شاقىرۋدى ءجون ساناعان.
تۇتقىن بوساتىلىپ، قازىر اۋرۋحانادا جاتىر، ال ونىڭ جۇبايى قايدا، ونى قانداي جازا كۇتىپ تۇر، ول جاعى بەلگىسىز.
