ۇلى جىبەك جولىنىڭ بويىندا قازاقستاندىق-قىتايلىق اۋىل شارۋاشىلىعى عىلىمي جانە وندىرىستىك ساياباعىن قۇرۋدى ىسكە اسىرۋ باستالدى
ق ح ر- دىڭ ينۆەستورلارى مەن ماماندارىنان قۇرىلعان دەلەگاتسيا، جامبىل وبلىسىنىڭ اكىمى ق. ن. كوكىرەكبايەۆپەن، ق ح ر- دىڭ الماتىداعى باس كونسۋلى چجان ۆەيمەن، سونداي-اق ساياباقتى قۇرۋ بويىنشا ىنتىماقتاستىق جونىندەگى ءتۇرلى ۆەدومستۆولاردىڭ كاسىپكەرلەرى جانە باسشىلارىمەن جوبانىڭ جۇمىس ساتتەرىن ورتاعا سالدى.
بۇل ساياباقتى قۇرۋ يدەياسى ق ح ر عىلىم جانە تەحنيكا بويىنشا ءمينيستردىڭ ورىنباسارى چجان لايۆۋدىڭ قازاقستانعا جاساعان ساپارىنىڭ بارىسىندا ايتىلدى، ال جامبىل وبلىسىنىڭ اكىمى ق. ن. كوكىرەكبايەۆتىڭ ق ح ر- عا جاساعان ساپارى كەزىندە شانشي پروۆينتسياسىنىڭ گۋبەرناتورى لوۋ چينديانمەن «جىبەك جولىنىڭ قازاقستاندىق-قىتايلىق اۋىل شارۋاشىلىق عىلىمي جانە وندىرىستىك ساياباعىن» قۇرۋ تۋرالى كەلىسىمگە قول قويىلعان ەدى. جوبانىڭ اياسىندا وسىمدىك جانە مال ءوسىرۋ شارۋاشىلىقتارىندا ەڭ زاماناۋي جانە يننوۆاتسيالىق، سونداي-اق ەكولوگيالىق تازا ونىمدەر شىعارىلاتىن عىلىمي جانە وندىرىستىك ايماقتاردى قۇرۋ قاراستىرىلىپ وتىر. جوبانىڭ ءبىرىنشى كەزەڭى ءۇش جىلعا ەسەپتەلىپ، ينۆەستيتسيالاردىڭ جالپى كولەمى 160 ميلليارد تەڭگەدەن اسادى.
جوبانىڭ باستاماشىسى ءارى يدەيالىق رۋحتاندىرۋشىسى - ءبىزدىڭ ەلدەرىمىزدىڭ اراسىندا ناعىز ىنتىماقتاستىق كوپىرى بولىپ تابىلاتىن قازاقستانداعى دۇنگەندەر قاۋىمداستىعى.
