قازاقستاندا قاجىگەلديندى وتانىنا قايتارۋ ماسەلەسى ويلاستىرىلا باستادى
بۇل تۋرالى «نۇر وتان» پارتياسىنداعى اقپارات كوزىنە سىلتەمە جاساپ، قازتاگ حابارلادى.
«نەگىزى، اكەجان ماعجان ۇلىنىڭ ءوز وتانىنا قايتاتىن ۋاقىتى بولدى. ارينە، بۇل ماسەلەدە ءبىرقاتار زاڭدىق كەدەرگىلەر بار، ول كەدەرگىلەر البەتتە، كەزىندە راحات اليەۆتىڭ اجەپتاۋىر ارەكەتتەنگەنىنىڭ ارقاسىندا قاجىگەلديننىڭ سىرتتاي سوتتى بولۋىنا بايلانىستى. ال قازىر جاعداي وزگەردى، سوندىقتان دا، مەنىڭ ويىمشا، كەزىندە شەت ەل اسىپ كەتكەن، ءبىراق ءالى دە بولسا ءوز ەلىنە ويداعىداي قىزمەت اتقارا الاتىن ازاماتتارىمىزدى ەلىمىزگە قايتاراتىن ۋاقىت كەلگەن سياقتى»، - دەدى «نۇر وتانداعى» اقپارات كوزى اتالمىش اگەنتتىك تىلشىسىمەن بولعان اڭگىمەسىندە.
ال ەندى قاجىگەلديننىڭ جەكە وزىنە كەلەتىن بولساق، ول كىسى ەل بيلىگىمەن ءوزارا ديالوگكە دايىن كورىنەدى. سونداي-اق ول وزىنە تاعىلعان ايىپتاردىڭ تولىقتاي الىنىپ تاستالۋى ەل اۋماعىندا جەكە باس قاۋىپسىزدىگىنە كەپىل بولا المايتىنىن دا جوققا شىعارمايدى. وسى تۇرعىدان الىپ قاراعاندا، ول ءبىرقاتار حالىقارالىق ۇيىمداردىڭ قولداۋىنا دا ارقا سۇيەۋى ابدەن مۇمكىن.
وزگە جاعىنان الىپ قاراساق قاجىگەلديندى دە تۇسىنۋگە بولادى: ول تۋعان ەلىنەن جىراقتا ءجۇرىپ اكەسىنەن ايىرىلدى. اكەسىمەن قوشتاسىپ، قابىرىنە توپىراق سالا المادى. بۇدان باسقا، وزەگىندەگى وكىنىشتەرىنىڭ تاعى ءبىرى - كوپتەگەن دوستارى مەن قىزمەتتەستەرىن دە جوعالتتى.
ەلىمىزدىڭ قازىرگى بيلىگىندە دە، سونىمەن بىرگە قاراپايىم كوپشىلىك اراسىندا دا ءالى كۇنگە دەيىن قاجىگەلدين كوزقاراسىن قولدايتىندار از ەمەس. نەگىزى، ونىڭ ەلگە قايتۋىنا رۇقسات بەرىلۋ ماسەلەسىندە وسىنداي دا وسىنداي جاعداياتتار تازا ادامي تۇرعىدان دا تۇسىنىستىك تۋعىزادى. مۇنى وسى ماسەلەدە سوڭعى شەشىم قابىلدايتىندار دا تۇسىنەتىن ءتارىزدى.
Ult.kz
