بەرگامودا جۇدىرىقتاستان «ارلانداردىڭ» قۇرامى بەلگىلى بولدى
دۇنيە جۇزىلىك بوكس توپتاماسىنىڭ «ب» توبىنداعى بۇل ەكى كلۋب اراسىنداعى كەزدەسۋلەر 26- ءساۋىر كۇنى يتاليانىڭ بەرگامو قالاسىندا وتەدى. ال، استانا ۋاقىتى بويىنشا 27- ءساۋىر كۇنى تۇنگى 01.00 دە باستالادى. اتالمىش جەكپە-جەكتەرگە С2 كاتەگورياسىنداعى (52, 60, 69, 81, +91) كەلى سالماقتاعى بوكسشىلار قاتىسادى.
جەكپە-جەكتە قاتىساتىن بوكسشىلاردىڭ جۇبى:
52 كەلى: گاۋراۆ بيدحۋري - ميراس جاقىپوۆ
60 كەلى: دوناتو كوزەنتسا - رومان شەگرينوۆ
69 كەلى: ادام پاتريك نولان - اسلانبەك شىمبەرگەنوۆ
81 كەلى: ۆالەنتينو مانفرەدونيا - حرۆوە سەپ
+91 كەلى: الەسسيو سپاحيۋ - فيليپ حرگوۆيچ
«استانا ارلاندارى» WSB جوباسى توپتىق كەزەڭىنىڭ ون ءۇشىنشى تۋرىنىنان كەيىن «ب» توبىندا جەكە-دارا كوش باستاپ تۇر. ءبىزدىڭ كوماندا توپتىق كەزەڭدە وتكىزگەن بارلىق 13 كەزدەسۋدە دە جەڭىسكە جەتكەن. قورجىنىمىزدا 39 ۇپاي بار. ال «يتاليا نايزاعايلارى» ءۇشىنشى ورىندا. ولاردىڭ ەنشسىندە 24 ۇپاي بار.
اۆتور: ۋاليحان قوسانباي
