ەل كوشەلەرىندە جۇرگىزۋشىلەردىڭ جاپپاي ەرەۋىلى وتۋدە

ەلدە قوعامدىق كولىك جۇرگىزۋشىلەرىنىڭ جاپپاي ەرەۋىلى ءوتىپ جاتىر. جەرگىلىكتى كاسىپوداق بيلىكتىڭ الەۋمەتتىك شىعىنداردى قىسقارتۋ ساياساتىنا قارسى.

كۇللى ەل اۋماعىندا ىشكى جانە حالىقارالىق باعىتتاردا جۇرەتىن پويىزدار توقتاعان.  ۇلىبريتانيا، فرانتسيا، گەرمانيا مەن نيدەرلاندىعا قاتىنايتىن شاپشاڭ جىلدامدىقتاعى تەمىرجولدار دا ۋاقىتشا جابىلدى.

ەلدە دىتتەگەن جەرىنە جەتە الماي جۇرگەن جولاۋشىلار سانىندا ەسەپ جوق. ەرەۋىل پويىزداردان باسقا اۆتوبۋس، ترامۆاي جانە مەترو قىزمەتتەرىنە كەدەرگى بولدى. اۋە قاتىناسى جۇمىسىن جالعاستىرعانىمەن، اۋەجايعا جەتۋ مۇمكىن بولماي قالعان.

سيمون مويرا، ستۋدەنت:

- ارينە، ولاردىڭ ەرەۋىلگە شىعۋعا قۇقى بار. الايدا قاراپايىم حالىق نەگە زارداپ شەگۋى كەرەك؟ ءبىر جەرگە جەتۋ ءۇشىن بىرنەشە كولىككە مىنۋگە ءماجبۇرمىز. وتە ىڭعايسىز بولىپ تۇر. جۇرگىزۋشىلەردىڭ وسىنداي ەرەۋىلى گەرمانيادا دا ءوتىپ جاتىر. مۇندا دا تەمىرجول قاتىناسىنا ءبىرشاما شەكتەۋ قويىلدى. جەرگىلىكتى بيلىكتىڭ مالىمدەۋىنشە، قالاارالىق پويىزداردىڭ %60 ى جۇمىسىن توقتاتۋى مۇمكىن.

ال الىس جولعا قاتىنايتىن 800 گە جۋىق پويىز توقتاۋى ىقتيمال. ميلليونداعان جولاۋشىعا قالاعان جەرىنە جەتۋ ءۇشىن كولىكتىڭ باسقا ءتۇرىن پايدالانۋىنا تۋرا كەلەدى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى