ەلىمىزدە كولىكتى نەسيەگە الاتىندار سانى بىرنەشە ەسەگە ءوستى

ەستەرىڭىزگە سالا كەتەيىك، قازاقستان دامۋ بانكى ەلىمىزدىڭ اۆتو ءوندىرىسىن قولداۋ ماقساتىندا زاڭدى تۇلعالارعا - 5، ال جەكە تۇلعالاردى نەسيەلەندىرۋگە - 15 ميلليارد تەڭگە بولگەن بولاتىن. وتاندىق اۆتوكولىكتەر %4 دىق مولشەرلەمەمەن نەسيەلەندىرىلە باستاعانىن ەستىپ اۆتوسالوندارعا اعىلعان جۇرتتا ەسەپ جوق.

قازاقستاندىق اۆتوديللەرلەر ساناۋلى كۇندەر ىشىندە 2 مىڭنان استام ادامنان نەسيە الۋعا ءوتىنىم قابىلداپ ۇلگەرگەن. سۋ جاڭا اۆتوكولىكتەردىڭ ءوزىنىڭ بولاشاق يەلەرى بار. ءدال بۇل جەردە 600 گە جۋىق ادام ءوتىنىم جاساپ ۇلگەردى. تاعى 200 ءى نەسيە الۋعا كەزەكتە تۇر.

«بۇرىن ونداي بولماعان. نەسيەگە بەرىلە باستاعالى كوپ ادام كەلدى. جۇمىسقا كەلسەڭ، اۆتوسالوندا ادامدار تولىپ تۇرادى. ساتۋشى دا، الۋشى دا ءدان ريزا. ەلدەن بۇرىن قارمانىپ قالۋعا تىرىسقاندار كوزى تۇسكەن وتاندىق كولىكتى الىپ كەتۋگە اسىق. 10 نان20 عا دەيىنگى جارنانى تولەپ، ۇسىنىلعان مودەلدىڭ ۇناعانىن تاڭداۋعا بولادى. تەك تەمىر تۇلپاردىڭ باعاسى 5 ميلليون 600 مىڭ تەڭگەدەن اسپاۋى كەرەك»، - دەيدى ساتۋ ءبولىمىنىڭ مەنەدجەرى دانيار ءجۇسىپوۆ.

«وتباسىن قۇرعالى العاشقى كولىگىم، ءوزى سۋ جاڭا. جاڭا 15 مينۋتتىڭ ىشىندە الىپ، 2-3 كۇندە ءمىنىپ الىپ كەتەتىن شىعارمىن»، - دەگەن قۋانىشىمەن ءبولىستى، ساتىپ الۋشى: مەيىربولات تاسەمەنوۆ.

باعدارلاماعا ورتا دەڭگەيلى 6 بانك قاتىسىپ جاتىر. بارلىعى دەرلىك بولىنگەن قارجىنىڭ باسىم بولىگىن يگەرگەن. ساتۋ ءبولىمىنىڭ جەتەكشىسى ميحايل داۆىدەنكونىڭ ايتۋىنشا، بانك قىزمەتكەرلەرىنە كۇنىنە كەمىندە 250-300 وتىنىمنەن تۇسەدى. نەسيە بەرۋشىلەر ءارى كەتسە 80 ادامدى قابىلداپ ۇلگەرەدى.

تۇتىنۋشىلاردىڭ ءا دەگەننەن نەسيە شارتتارىنا قىزىعۋشىلىق تانىتقاندارى تۇسىنىكتى. سەبەبى مەملەكەتتىڭ قولداۋى ناتيجەسىندە پايىزدىق تولەمدەر شامامەن 4 ەسەگە قىسقارعان. دەمەك كورشى ەلدىڭ ەسكى ارباسىن العانشا، وتاندىق كولىكتىڭ جاڭاسىن الۋ الدەقايدا تيىمدىرەك بولا ءتۇستى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى