استانادا «ماقسۇتىم ءتىل ۇستارتىپ، ونەر شاشپاق...» اتتى قالالىق اباي وقۋلارى بايقاۋى وتەدى
بۇل تۋرالى اتالعان باسقارمانىڭ باسپا ءسوز قىزمەتى حابارلادى.
بايقاۋدىڭ نەگىزگى ماقساتى - اباي شىعارماشىلىعىن ناسيحاتتاۋ ارقىلى قازاق مادەنيەتىنە، ءتىلى مەن ادەبيەتىنە دەگەن وزگە ەتنوس وكىلدەرىنىڭ ىقىلاسىن ارتتىرۋ، اباي مۇراسى ارقىلى قازاق ءتىلىنىڭ كوركەمدىك قازىناسىن، ءسوز ونەرىنىڭ بەينەلىلىگى مەن بايلىعىن ناسيحاتتاۋ، ىزگىلىكتى قۇندىلىقتاردى ۇلىقتاۋ، جاستاردىڭ كوركەم ءسوز وقۋ شەبەرلىگىن، ءتىل مادەنيەتىن جەتىلدىرۋ.
بۇل بايقاۋعا ەلوردادا تۇراتىن 15-22 جاس ارالىعىنداعى وزگە ەتنوس وكىلدەرى قاتىسادى. بايقاۋ ەرەجەسىنە سايكەس اباي شىعارمالارىن (ءبىلىم، عىلىم جانە ونەر تاقىرىپتارىنا ورىلگەن پوەزيالىق شىعارماسىن نەمەسە قارا ءسوزىن) جاتقا مانەرلەپ وقۋ، «اباي جولى» رومانىنان ءۇزىندىنى كوركەم شەبەرلىكپەن جاتقا وقۋ، ابايدىڭ 1 ءانىن ورىنداۋ بويىنشا سايىسقا تۇسەدى.
بايقاۋدا اباي اندەرى شىرقالىپ، اباي ومىرىنەن سىر شەرتەتىن ساحنالىق قويىلىم كورسەتىلەدى. جالپى كوپشىلىك، جاستار اباي ومىرىنەن، ونىڭ شىعارماشىلىق ادەبي باي مۇراسىنان ماعلۇمات الادى.
بايقاۋعا زيالى قاۋىم جانە قوعامدىق ۇيىمدار مەن جاستار ۇيىمدارىنىڭ، ب ا ق وكىلدەرى، ءتىل جاناشىرلارى، وقۋ ورىندارىنىڭ وقىتۋشىلارى، جوعارعى جانە ارناۋلى ورتا وقۋ ورىندارىنىڭ ستۋدەنتتەرى، مەكتەپ وقۋشىلارى قاتىسادى.
بايقاۋدىڭ جەڭىمپازى رەسپۋبليكالىق بايقاۋعا جىبەرىلەدى. جۇلدەگەرلەر ديپلومدارمەن، العىس حاتتارمەن جانە باسقا دا سىيلىقتارمەن ماراپاتتالادى.
