ءبىر شىنى كوفە سەربيا پرەزيدەنتىنىڭ ۇشاعىنا قاۋىپ ءتوندىردى
ۇشاقتىڭ ءۇش دۆيگاتەلىنىڭ ءبىرى ۇشقىشتىڭ كىناسىنەن ىستەن شىعىپ، اپاتتى جاعداي تۋدىرعان. بۇل تۋرالى ر ي ا «نوۆوستي» حابارلادى.
ۇشاقتاعى جازبالاردان بەلگىلى بولعانىنداي، اۋە كولىگى كوككە كوتەرىلگەن ساتتە ەكىنشى پيلوت بويان زوريچ ستيۋاردقا كوفە الدىرادى. بوياننىڭ قولىنا كوفە تيگەن ساتتە ۇشاق اينالمالى اۋا اعىنىنا ءتۇسىپ، ۇشاق دىرىلدەي باستاعان.
ۇشقىشتىڭ قولىنداعى كوفە ۇشاقتى باسقارۋ تاقتاسىنا توگىلەدى. بويان زوريچ جالما-جان توگىلگەن كوفەنى سۇرتە باستاعاندا، جازىم دەگەن سول، ساۋساعى بايقاۋسىزدا باسقارۋ تەتىكتەرىنىڭ بىرىنە ءتيىپ، اۆتوپيلوت ىستەن شىعادى. ەكى دۆيگاتەلدىڭ كۇشىمەن، ۇشقىشتار تومەن قۇلدىراعان ۇشاقتى ەل استاناسىنىڭ اۋە جايىنا امان-ەسەن قوندىردى. ۇشاقتىڭ باسقارۋ پۋلتىنە كوفە توككەن ۇشقىش قازىر ۋاقىتشا قىزمەتىنەن الاستاتىلدى.
«ەگەمەن قازاقستان»
