قازاقستاندا ەڭ ادەمى پوليتسيا ارۋى تاڭدالدى - فوتو
گۋزەل شاياحمەتوۆا قوستاناي وبلىستىق ءى ءى د-نىڭ اكىمشىلىك پوليتسيا باسقارماسى يۋۆەنالدىق پوليتسيا ءبولىمىنىڭ ۋچاسكەلىك ينسپەكتورى، پوليتسيا اعا لەيتەنانتى رەتىندە قىزمەت اتقارادى.
ول شىعىس قازاقستان وبلىسىندا دۇنيەگە كەلگەن. وتباسىنداعى جالعىز قىز. سەمەي قالاسىندا ورتا ءبىلىم العان گۋزەل 2009 -جىلى ءى ءى م قوستاناي اكادەمياسىنىڭ تىڭداۋشىسى اتانىپ، بولاشاق ماماندىعىن ىشكى ىستەر سالاسىمەن بايلانىستىرادى.
سوڭعى ەكى جىل بويى كامەلەتتىك جاسقا تولماعان جاسوسپىرىمدەرمەن تىعىز جۇمىس ىستەپ كەلە جاتقان پوليتسيا اعا لەيتەنانتى ءوزىن ۇلگىلى قىزمەتكەر، بىلىكتى مامان رەتىندە دە تانىتا بىلگەن.
«وعان وسى ساناۋلى جىلدار ىشىندە گۋزەلدىڭ قوستاناي وبلىستىق ءى ءى د، ق ر ءى ءى م قوستاناي اكادەمياسى مەن قوستاناي قالالىق ءى ءى ب باسشىلىعىنان العان ماراپاتتارى مەن العىس حاتتارى ايعاق بولا الادى»، - دەپ حابارلادى ءى ءى م باسپا ءسوز قىزمەتى.
