ۇيالى بايلانىس تاريفتەرى ارزاندايدى - جۇماعاليەۆ

«2014 -جىلعى بۇكىلالەمدىك ەكونوميكالىق فورۋمىنىڭ ساراپتاماسىنىڭ ناتيجەسى بويىنشا ءبىزدىڭ ەل ۇيالى بايلانىس ءتاريفى بويىنشا 17-ورىندا تۇر. بۇل قالعان 130 ەلدىڭ ىشىندە ءبىزدىڭ تاريفتەردىڭ الدەقايدا تومەن ءارى ارزان ەكەنىن كورسەتەدى. ارينە، ءبىز بۇل باعىتتاعى جۇمىستاردى بەلسەندى تۇردە جالعاستىراتىن بولامىز»، - دەدى ۆيتسە-مينيستر اسقار جۇماعاليەۆ پارلامەنت ءماجىلىسىنىڭ كەزەكتى وتىرىسىندا دەپۋتاتتاردىڭ ۇيالى بايلانىس پەن ينتەرنەت باعاسىن تومەندەتۋ ءۇشىن قولدانىلاتىن شارالار جونىندەگى سۇراعىنا جاۋاپ بەرە وتىرىپ.

ايتا كەتەيىك، تومەنگى پالاتا وتىرىسىنا ينۆەستيسيالار جانە دامۋ مينيسترلىگى قىزمەتكەرلەرى اقپاراتتاندىرۋ ماسەلەسى بويىنشا زاڭ جوباسىنا وزگەرىستەر ەنگىزۋ كەرەكتىگىن ۇسىندى. دالىرەك ايتساق، بۇل زاڭ جوباسى قازاقستاندا «موبيلدى قۇلدىقتى» جويۋعا سەپتىگىن تيگىزەدى.

«زاڭ جوباسى قابىلدانعاننان كەيىن ءبىز وپەراتورلار اراسىندا باسەكەلەستىكتى ارتتىراتىن بولامىز جانە دە وسىعان وراي بايلانىس تاريفتەرى دە ارزاندايدى»، - دەدى ۆيتسە-مينيستر.

ايتا كەتەيىك، «موبيلدى قۇلدىق» زاڭ جوباسىن پارلامەنت ءماجىلىسى دەپۋتاتتارى ءبىرىنشى وقىلىمدا ءبىراۋىزدان ماقۇلدادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى