شىمكەنتتە ەرلەرگە ارنالعان ساپالى اياق كيىم شىعارىلادى
كاسىپكەر قازاقستاندىق اياق كيىمدى وتاندىق نارىقتا جەكەلەپ ساتپايتىنىن ايتتى. «ءبىز وتاندىق نارىققا ەڭ ازى 100 مىڭ جۇپ اياق كيىم وندىرىسىمەن كىرگىمىز كەلەدى. ەگەر ءبىز وسى ماقساتقا جەتسەك، ارى قاراي كاسىبىمىزدى كەڭەيتەتىن بولامىز»، - دەدى تىلەنوۆ.
كومپانيا «دامۋ» قورىنىڭ قولداۋىمەن پايىزدىق مولشەرلەمە سۋبسيدياسى بويىنشا نەسيە الدى. ءقازىر ولار ۇيگە ارنالعان اياق كيىمدەر تىگىپ جاتىر. كۇنىنە 1000 جۇپ اياق كيىم شىعارىلادى. تاۋاردى ءىرى كولەمدەگى ساتىپ الۋشىلار الادى. ونەركاسىپتە 15 ادام جۇمىس ىستەپ جاتىر.
كاسىپكەردىڭ ايتۋىنشا، ول باسىندا اياق كيىمدى ءوز بەتىمەن شىعارامىن دەپ ويلادى، كەيىن تاجىريبەلى سەرىكتەس كەرەك ەكەنىن تۇسىنگەن. «ءبىزدىڭ تۇركيالىق سەرىكتەسىمىز دە اياق كيىم شىعارۋمەن اينالىسادى. شىمكەنتتە بىزگە قاجەتتى بارلىق قۇرالدار بار. كەيبىر كەزدە ءبىز جارتىلاي دايىن اياق كيىمدى يمپورتتايمىز. سوسىن ءوزىمىز اياقتاپ تىگىپ شىعامىز»، - دەدى تىلەنوۆ.
ونىڭ ايتۋىنشا، ءبىرىنشى توپتاماداعى اياق كيىم ديزاينى انىقتالىپ قويعان. «اياق كيىمنىڭ ءبىرىنشى پارتياسىن جازدىڭ سوڭىنا دەيىن شىعارۋدى جوسپارلاپ وتىرمىز. ءبىزدىڭ پرودۋكسيانىڭ باعاسى جەكەلەپ ساتىلعاندا ءجۇز دوللاردان جوعارى بولماۋى كەرەك»، - دەدى ول. باستاپقى كەزدە كاسىپكەر ەرلەرگە ارنالعان اياق كيىمدەر جەلىسىن عانا شىعارادى.
ايتا كەتەيىك، وتاندىق كيىمدەردى كيۋدى شەنەۋنىكتەر دە قولداپ وتىر. مىسالى، ينۆەستيتسيا جانە دامۋ ءمينيسترى اسەت يسەكەشيەۆ 22 ساۋىردە وتكەن ءماجىلىس وترىسىنا قازاقستاندا وندىرىلگەن كيىممەن كەلدى.
«كوستيۋم» قازليتونەركاسىپ» - الماتى، اياق كيىم - قاراعاندىنىكى. باعاسى قىمبات ەمەس، قازىرگى ۋاقىتتا كوپتەگەن كاسىپورىندار كوستيۋم مەن اياق كيىم تىگەدى. اسىرەسە ايەلدەرگە ارنالعان كوستيۋمدەر كوپ، شەتەلدىك كيىمدەرگە قاراعاندا ۇلتتىق ستيلدە تىگىلەدى. ءبارىمىز «ماركامەن جانە برەندپەن جۇمىس ىستەڭدەر» دەيمىز»، - دەدى ول پارلامەنت ءماجىلىسىنىڭ وتىرىسىنىڭ ءۇزىلىسى كەزىندە تىلشىلەرگە.
