قازاقستان ورتالىق ازياداعى ات جارىسىنىڭ ورتالىعىنا اينالادى

ەلىمىز جىلقىلارعا ءتان اۋرۋلاردا ايرىقشا قورعالاتىن اۋماققا كىرۋگە ءوتىنىش بەردى. ەگەر وڭ شەشىم قابىلدانسا، وندا ءبىز حالىقارالىق دەڭگەيدە بايگە جارىستارىن ۇيىمداستىراتىن مۇمكىندىككە يە بولامىز.

قازىر دايىندىق شارالارى قىزۋ ءجۇرىپ جاتىر. بۇل تۇرعىدا ءبىزدىڭ جىلقى وسىرۋشىلەرگە فرانسۋز ارىپتەستەرى كومەكتەسپەك. ءتيىستى مەموراندۋمعا فرانسيادا ەكى ەلدىڭ اۋىل شارۋاشىلىعى مينيسترلىك وكىلدەرى قول قويدى.

تاراپتار سايگۇلىكتەردى باپتاۋ، بۋدانداستىرۋ، د ن ق ساراپتاماسىن جاساۋ، مال دارىگەرلىك قاۋىپسىزدىك، سونداي-اق جوعارى دەڭگەيلى شاباندوزداردى دايىنداۋ بويىنشا بىرگە جۇمىس ىستەۋگە ۋاعدالاستى.

بۇل جۇمىس اۋقىمى فرانسيا پرەزيدەنتى فرانسۋا وللاندتىڭ بىلتىر جەلتوقساندا قازاقستانعا جاساعان ساپارى كەزىندە قول جەتكەن كەلىسىمدەردىڭ زاڭدى جالعاسى ەكەنىن ايتا كەتەيىك.

گۇلميرا يسايەۆا، ق ر اۋىل شارۋاشىلىعى ءمينيسترىنىڭ ورىنباسارى:

- ءبىز قازاقستاننىڭ جىلقىعا ءتان اۋرۋلاردان قورعالاتىن ارنايى اۋماققا كىرەتىن ەل مارتەبەسىن الۋ ماقساتىندا جۇمىستى باستادىق. بۇل قازاقستاندا حالىقارالىق دەڭگەيدەگى جارىستاردى ۇيىمداستىرۋعا جول اشادى. باسقا ەلدەر الەمگە ايگىلى جۇيرىكتەرىن اكەلىپ، ولار ەشقانداي اۋرۋعا ۇشىرامايدى دەگەن نىق سەنىمدە بولادى.

وليۆە كلەن، جىلقىلار جانە اتقا ءمىنۋ جونىندەگى فرانسۋز ينستيتۋتى اكىمشىلىك كەڭەسىنىڭ پرەزيدەنتى:

- ەلدەرىڭىز جىلقى شارۋاشىلىعى تۇرعىسىنان العاندا شىن مانىسىندە باي مەملەكەت. سىزدەردە 2 ميلليون جىلقى بار. نە دەگەن بايلىق! جىلقى وسىرۋگە قاتىستى تاماشا داستۇرلەرىڭىز دە بار. سوندىقتان سىزدەردە ات سپورتىن تولىق دامىتۋعا بولادى. ءبىز ءوز كەزەگىمىزدە جوعارى دارەجەلى شاباندوزداردى دايىنداۋعا كومەكتەسۋگە ءازىرمىز.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى