قازاقستاندىق اسكەري قىزمەتشى وليمپيادا ويىندارىنا جولداما الدى
ق ر قورعانىس مينيسترلىگى باسپا ءسوز قىزمەتىنىڭ مالىمەتىنشە، ارميا سپورتشىسى جۋىردا اۆستريانىڭ ۆەنا قالاسىندا وتكەن جەڭىل اتلەتيكادان «Vienna City Marathon» حالىقارالىق مارافونىنا ءساتتى قاتىسىپ، وليمپياداعا جولدامانى جەڭىپ الدى. ءبىزدىڭ قۇراما كوماندانىڭ اتىنان 30 جەڭىل اتلەتشى سپورتشى قاتىستى.
قازىر ميحايل كراسيلوۆ بەلسەندى جاتتىعۋ ۇستىندە، سەبەبى ول الداعى ريو-دە-جانەيرودا وتەتىن وليمپيادا كەزىندە مىندەتتى تۇردە جۇلدەلى ورىن يەلەنۋدى جوسپارلاپ وتىر.
سونىمەن قاتار ينچحون قالاسىندا (وڭتۇستىك كورەيا) تاەكۆوندو بويىنشا قازاقستاندىق قارۋلى كۇشتەردىڭ كومانداسىمەن وقۋ-جاتتىعۋ جيىنى جالعاسۋدا. ءبىزدىڭ سپورتشىلار وڭتۇستىك كورەيا قارۋلى كۇشتەرىنىڭ قۇراما كومانداسىمەن بىرگە جاتتىعۋ جۇرگىزەدى.
«وسىنداي بىرلەسكەن وقۋ-جاتتىعۋلار قازاقستان مەن وڭتۇستىك كورەيا سپورتشىلارى ءۇشىن ءتيىمدى. وسى ورايدا جيناقتالعان تاجىريبە الداعى ۋاقىتتا ءبىزدىڭ سپورتشىلارىمىزدىڭ رەسپۋبليكالىق جانە حالىقارالىق دەڭگەيدەگى جارىستاردا ءساتتى ناتيجە كورسەتۋىنە ىقپال ەتەدى»، - دەپ اتاپ ءوتتى ق ر ق م ا و س ك اعا جاتتىقتىرۋشى - تاەكۆوندو بويىنشا توپ باستىعى كاپيتان ءانۋار ۇسەنوۆ.
سپورت قازاقستاندىق جاۋىنگەرلەردىڭ اسكەري قىزمەتىنىڭ اجىراماس بولىگى بولىپ سانالادى. ءبىزدىڭ ارميانىڭ سپورتشىلارى الەمدىك اۋقىمداعى جارىستاردا ەلىمىزدىڭ قارۋلى كۇشتەرىنىڭ اتىنان ءساتتى شىعىپ، ۇدايى جوعارعى ناتيجەلى كورسەتكىشتەرمەن كوزگە ءتۇسىپ ءجۇر.
