استرونومدار جاھاننىڭ اسا زور جۇلدىزدى «قورىمىنىڭ» ءسونۋ قۇبىلىسىن انىقتادى
استرونومداردىڭ حالىقارالىق توبى گالاكتيكالارعا باقىلاۋ جۇرگىزۋ ارقىلى جاھاننىڭ اسا زور جۇلدىزدى «قورىمى» سانالاتىن ەلليپستىك گالاكتيكالاردىڭ ىشتەن سىرتقا قاراي ءسونىپ جاتقانىن انىقتادى، دەپ جازادى «Science» باسىلىمى.
سيۋريحتەگى شۆەتساريا جوعارى تەحنيكالىق مەكتەبىنىڭ وكىلى ساندرو تاككەللانىڭ مالىمەتىنشە، «ءسونۋ سفەراسى» بارلىق جۇلدىزداردىڭ جارتىسىنا جۋىعىن قۇرايدى. عالىمدار ءىرى ەلليپستىك گالاكتيكالاردىڭ ىشتەن سىرتقا قاراي ءسونۋ قۇبىلىسىن بىزدەن قاشىقتىقتا ورنالاسقان بىرنەشە ۇقساس جۇلدىزدى «قورىمدار» تۇسىرىلىمدەرىنە زەرتتەۋ جۇرگىزۋ ارقىلى انىقتاعان.
سپەكتروگراف، VLT جانە وربيتالدىق «حاببلا» تەلەسكوبتارىنىڭ كومەگىمەن ءسونۋدىڭ ءتۇرلى كەزەڭدەرى ءتۇسىرىلدى. جۇلدىزداردىڭ پايدا بولۋى «ءولۋ اۋماعى» ولاردىڭ شەتكەرى ايماقتارىنا تارالعان ساتتە گالاكتيكالاردىڭ باستاپقى يادروسىندا توقتايدى. جيەكتەرى 2-3 ەسە باياۋ ءسونىپ جاتقاندا، جۇلدىزدار گالاكتيكانىڭ «بالدج» دەپ اتالاتىن ورتالىق بولىگىندە ميلليارد جىلدان از ۋاقىت ىشىندە وتە جىلدام سونە باستايدى.
عالىمداردىڭ زەرتتەۋى بويىنشا، بۇگىنگى كۇنى ءىرى گالاكتيكالاردىڭ «ءولۋ» سەبەبىن تۇسىندىرەتىن نەگىزگى ەكى بولجام بار. ءبىرىنشىسى، جۇلدىزداردىڭ پايدا بولۋى ءۇشىن قاجەتتى ەلەمەنتتەردى تەجەيتىن گالاكتيكالاردىڭ ورتاسىنداعى تارتىلىسى جوعارى قارا ويىقتار. ەكىنشى سەبەپ، گالاكتيكاارالىق سۋىق كۇيدەگى گازداردىڭ از مولشەردە جەتۋى. 
