شۆەيتساريادا نارەستەنىڭ اتا- انالارى ءۇشىن ءبىرىڭعاي دەكرەتتىك دەمالىس ەنگىزىلۋى مۇمكىن
زاڭ جوباسىنىڭ اۆتورى پارلامەنت مۇشەسى - مارتەن كانديناس. ونىڭ پىكىرىنشە، ەرلەر مەن ايەلدەردىڭ بالا تۋۋ بويىنشا دەمالىس قۇقىعىن تەڭەستىرىپ، بارشا اكەلەرگە نارەستە ءومىرىنىڭ ءبىرىنشى اپتاسىن قىزىقتاۋعا مۇمكىندىك بەرەتىن ۋاقىت جەتتى.
بالاسى دۇنيەگە كەلگەن اكەگە اقىسى تولەنەتىن ەكى اپتا دەمالىس بەرۋ تۋرالى زاڭ جوباسى 2014 - جىلعى ناۋرىزدا ۇسىنىلعان بولاتىن. وسى اپتادا زاڭ جوباسىن ەلدىڭ ۇلتتىق كەڭەسىنىڭ الەۋمەتتىك قورعاۋ جانە دەنساۋلىق ساقتاۋ كوميسسياسى قارادى، دەپ حابارلادى Euromag.
«بۇل ۇسىنىستى بىلدىرگەن سەبەبىم، قوعام دامۋ ۇستىندە. ءبىز پروبلەمالاردىڭ شەشىمىن تابۋىمىز قاجەت. كوپتەگەن كاسىپورىندار جاس اكەلەرگە ءبىر نەمەسە ەكى كۇن عانا دەمالىس بەرەدى»، - دەپ اتاپ ءوتتى جوبا اۆتورى كانديناس مىرزا.
ول قازىرگى ەكونوميكالىق جاعدايدا جۇمىس بەرۋشىلەردەن تالاپ ەتۋگە بولاتىن ەڭ كوپ مەرزىم - ەكى اپتا بولۋى كەرەك دەپ وتىر.
